"Jack 'n' Poy hale-hale-hoy sino mang matalo ay siyang unggoy!"
Pagkatapos kumanta ay sabay na inilabas nina Clara at Bernard ang mga kamay. Ibinuka ng binata ang buong palad para sa paper sign. Samantalang hintuturo naman ang pinanlaban ni Clara. Alam niyang magtataka si Bernard kaya napatawa siya.
"Ano 'yan?" kunot-noong tanong ng binata.
"Karayom!" pilit ang tawang sagot ni Clara. "Kaya talo ka kasi tutusukin lang ng karayom 'yang papel mo.
"Karayom?! As in needle?!" exaggerated nitong bulalas. "At kailan pa nagkaroon ng needle sa Jack 'n' Poy. Player ako nito noong bata ako kaya alam na alam kong scissor, rock and paper signs lang ang meron sa laro."
"Baka sa inyong mga rich. Basta sa'min, may karayom," kunwari ayaw magpatalo na giit ni Clara. Ang totoo niyan, wala naman talagang
