Sa kabila nang nakikita ni Bernard na takot at pagkabahala sa mukha ni Clara, pagkatapos niyang sabihin dito ang lahat-lahat, wala pa rin siyang pinagsisisihan.
Pakiramdam ni Bernard ay nabawasan nang ilang kilo ang bigat na nakadagan sa dibdib niya. Para siyang nakalaya sa matagal na pagkakakulong.
Aminado si Bernard na ngayon pa lang ay nadudurog na naman ang puso niya, sa posibleng hindi pagtanggap ni Clara sa pagkatao niya. Ngunit mas hindi kaya ni Bernard na lokohin si Clara. Sa sandaling panahong nagkakilala at nagkasama sila, totoong minahal na niya ito.
Napakabuti nitong tao para lokohin at bandang huli ay dudurugin lang ng mga kasinungalingan niya. Mas okay na ang masaktan sila pareho ngayon. At least, hindi pa ito gaanong masasaktan.
"Konting-konti na lang pala, eh, magiging
