"Truth or dare na lang tayo para kakaiba naman ang birthday celebration ni D," suhestiyon ni Clara pagkatapos nilang magkantahan.
Katulad nga nang sinabi ni Bernard ay nasa tabi lang siya nito. Ang binata rin ang pumili ng wine na ininom niya. Hindi familiar si Clara sa gan'ong alak pero sigurado siyang hindi iyon gaanong nakakalasing. Dahil may tama na ang mga kasama niya ngunit siya ay matino pa rin.
"O, sige. Ako ang mag-uumpisa," boluntaryo ni D na namumungay na ang mga mata. "Dahil ako naman ang celebrant. Bawal KJ, bawal magsinungaling. Just for fun."
"Pass ako," saad ni Bernard na medyo lango na rin. Paminsan-minsan nang bumabagsak ang ulo nito sa balikat ni Clara.
Bahagya itong siniko ni Clara. "Huwag ka ngang KJ. Birthday ngayon ng kaibigan mo, 'no."
"Okay, ikaw ang boss ko,
