Oh, no. Hindi niya gusto ang tinatakbo ng usapan. Nakatingin ang lahat sa kanila. Napakatahimik na ng paligid. Tumigil pati pagtugtog ng maliit na banda sa sulok. Kahit mahina ang tinig nina Hendrick at ng kanyang Papa ay maririnig iyon nang malinaw ng mga nasa kalapit na mesa.
Gamit ang kanang kamay ay pinisil niya ang braso ni Hendrick para kalmahin ito.
Doon natuon ang mga mata ng Papa niya. He saw the engagement ring. Ibinaba niya ang kanyang kamay ngunit huli na, nakita na rin iyon ng iba pang tao.
"K-kailan?" manghang tanong nito, parang hindi makapaniwala.
Nagkibit-balikat si Hendrick. "Iaanunsiyo pa naming dalawa."
This time, ang Papa niya ang ngumisi nang mapakla. "Kapag nakuha mo na ang gusto mo, bibitiwan mo rin ang anak ko na parang basura. Anyway, I've heard na hindi na
