Kabanata 24
NAKARATING sila ni Diablo sa may isang maliit na tindahan ng shawarma. Bigla siyang natakam nang makita niyang nagluluto ng shawarma rice ang tindero.
“Gusto mo?”
Napatingin siya kay Diablo at kaagas na tumango.
“Oo, mukhang masarap ‘e,” sagot niya at napalunok ng kanyang laway. Takam na takam talaga siyang matikman ang shawarma.
“Ang mabuti pa’y umupo ka na lang muna roon at ako na ang bahala mag-order,” giit ni Diablo sa kanya.
“Sige, heto ang bayad–”
“Huwag na ako na lang magbabayad, umupo na lang doon at hintayin ako,” saad ni Diablo at tinuro nito ang mesa na malapit lang sa may nagluluto. Wala siyang nagawa kundi tumango na lamang.
Mayamaya pa ay bitbit na ng lalaki ang ini-order nila. Kaagad naman siyang tumayo para naman tulungan itong ayusin ang mga dala ni
