HINDI na yata mabura-bura sa magandang mukha ni Yzel ang isang matamis na ngiti. Simula ng buksan niya ang puwesto nila sa palengke ay panay na ang ngiti niya.
"Ang blooming mo masyado, Yzel," anang katabi niyang tendera.
Nginitian lang niya ito. Masyado siyang good vibes dahil sa sinabi sa kanya ni Triv ng nakaraang gabi. Natutuwa ang puso niya dahil sa sinabi nitong masaya ito na dumating siya sa buhay nito. Sapat na ang kaalamang iyon para mapalis ang kung ano mang agam-agam niyang nararamdaman.
Habang suspende pa siya sa trabaho ay maghapon siyang nasa palengke lang. Ang ina niyang si Marcy ay hinayaan lang muna niya sa bahay nila upang makapahinga naman.
Pag-uwi niya kinahapunan sa kanila ay masaya pa siyang sinalubong ng bunso niyang kapatid na si Bon, grade six ito. Kasunod nito
