ARAW ng linggo, sinamantala ni Yzel ang malaking tubig ng hapong iyon sa dagat. Malaki ang tubig pero hindi naman ganoon ka-alon ang dagat. Pagkalagay ng malaking tuwalya sa bato sa loob ng maliit na kuweba ay walang kiyemeng hinubad ni Yzel ang suot na dress. Natira ang two piece swim suit na parati niyang isinusuot kapag naliligo sa dagat. Kapag ganoon ang suot niya ay mag-isa lang siyang naglalangoy sa dagat. Kahit si Arkin ay hindi niya isinasama. Pakiramdam niya ay solong-solo niya ang malaparaisong lugar na iyon.
Napangiti siya. Pagkuwan ay lumusong na rin sa dagat. Naliligo lang siya sa dagat ay tuwing hapon. Hindi na kasi masakit sa balat ang sikat ng araw. Idagdag pa na iwas sunburn din.
Ilang beses siyang nagpabalik-balik sa pampang at medyo malalim na parte ng dagat. Nang mapa
