MALAPIT ng lumaki ang tubig ng hapong iyon ngunit hindi iyon alintana ni Yzel. Malayo ang hayon ng tingin niya. Tatlong araw na ang lumipas ngunit wala pa rin siyang balita kay Triv kung may balak pa ba itong bumalik.
"Ate, uwi na tayo. Palaki na ang tubig," pag-aaya sa kanya ni Bon.
Napakurap siya at tila bumalik sa kasalukuyan. Binalingan niya ang kapatid na hawak-hawak ang anak niyang si Arkin. Pagkuwan ay napasulyap sa tubig-dagat.
"Mauna na kayo ni Arkin. Mamaya ako uuwi."
"Pero palaki na ang tubig, Ate."
Nginitian niya ito. Hindi niya alam kung napansin pa nito na pilit na lamang iyon. "Okay lang. Susunod na lang ako. Saka hindi naman kalakasan ang alon ngayon. Sige na at iuwi mo na si Arkin. Gusto ko lang mapag-isa."
Nakakaunawang tumango na lang ito. "Sige, Ate." Bumaba na it
