HALOS hindi makahinga si Matt habang papalapit nang papalapit sa puwesto nila si Diana na noon ay mataman ding nakatitig sa kaniya. At nang ganap nang nasa tapat niya ang dalaga ay pakiramdam niya ay pansamantalang tumigil ang pagtibok ng puso niya. Marahil ay sa pinagsamang pagtataka at nerbyos lalo at kasama niya ang pamilya niya.
Ngunit tila binuhusan siya nang malamig na tubig nang lampasan lang siya ng dalaga at batiin naman ng daddy niya at ng mag-amang Arnulfo at Darren ang dalawang babaeng nakasunod sa isang receptionist na nakasunod naman kay Diana.
“Vicky! Beverly!” bati ng tatlong lalaki saka magiliw na niyaya ang dalawang bagong dating na saluhan sila sa lamesa.
Nagtataka namang nilingon niya si Diana na nakita niyang umupo sa pinakadulong lamesa patalikod sa kanila. Nag-i
