PIGIL ni Diana ang sariling mapaiyak sa harap ni Matt. Marahan siyang lumabas ng opisina nito habang nakatungo at kagat ang pang-ibabang labi. Humugot siya nang malalim na hininga saka iyon marahas na ibinuga bago siya suminghot at saka niya palihim na pinunasan ang luhang kusang tumulo sa pisngi niya.
Hiyang-hiya siya kay Matt... pati na rin sa sarili niya. Naiintindihan niya naman si Matt, eh. She went overboard kanina.
'Well, he could have said that in a nicer way!' gatong ng isang bahagi ng utak niya.
Tumigas ang anyo niya at unti-unting bumukal ang inis sa dibdib niya habang binabagtas ang hallway palabas ng Mighty and Nice and Playschool. Mabuti na lamang at kasalukuyang may klase kaya walang tao sa hallway kaya malaya niyang naiangat ang kaniyang mukha habang naglalakad sa pasil
