“KUMUSTA ANG lakad ninyo? Magkwento ka naman,” untag ni Rosie kay Mayet. Napabuntong hininga siya at napailing. Napahagod siya sa sentido dahil habang nalalapit ang fourth quarter nila ay nape-pressure siya. Hindi kagaya noong third grading nila na maayos. Siya pa rin ang nanguna. Gayunman, iba ang pressure ngayon.
Kailangan na niyang makahanap ng sponsor. Malapit na siyang magtapos. Kung magiging valedictorian siya sa pagtatapos, makakakuha siya ng scholarship niya buong taon para sa kolehiyo. Pero kulang iyon kaya kailangan nilang maghanap ng kayang i-cover ang buong college years niya.
Lalo siyang na-pressure dahil sa tatlong nilapitan nila ay hindi siya pinalad. Bagaman nakakakuha siya ng mataas na marka ay hindi siya umaabot sa required grade.
Nakakadismaya dahil isang puntos ang
