"Mayet!"
Napalinga si Mayet nang marinig ang mahinang pagtawag sa kanya. Batid niyang boses iyon ni Devon. Lalo siyang kinabahan ng madinig muli ang tinig nito hanggang sa mapatingin siya sa itaas ng bakod. Palabas na siya para pumunta sa gym sa likod ng munisipyo kung saan gaganapin ang pagsusulit para sa scholarship ng asawa ni mayor.
Bumilis ang t***k ng puso niya nang ngumiti ito sa kanya at kumaway. "Good luck! Sinabi ni ate na ngayon ang exam mo,"
Napahinga siya ng malalim at pasimpleng luminga. Nasa loob lamang ng bahay ang kanyang ina at naliligo. Hindi siya nito masasamahan dahil may isa pa itong kakausaping taong nabalitaan nitong nagpapa-scholar din at magbabakasakali din daw ito.
"Bumaba ka nga d'yan," asik niya rito at nahigit niya ang hininga ng tumalon ito. May kababaan
