“SINO NA naman ang sinisilip mo d’yan? Si Mayet na naman? Ilang beses ka bang kailangang pagalitan nila mommy para tantanan mo na siya?” naiinis na sita ni Rosie kay Devon.
Naiinis na binitawan niya ang kurtina. Narinig niya kasi nang nakaraang gabi na aalis ang ina nito at si Mayet. Tanging si tita Maybel na lang ang nakakwentuhan ng mommy ni Mayet dahil nagkaroon ng gap ang mga ito ng dahil sa kanya.
May kakausapin daw na sponsor ang mag-ina para makapasok ito sa magandang unibersidad sa Maynila. Dahil hindi naman kalakihan ang sahod ng ina ni Mayet ay kumausap ito ng isang councilor na mayroong proyekto para gawing scholar. Mukhang balak nitong ipasok ang dalaga doon.
Lihim siyang napangiti. Ang tali-talino talaga ni Mayet. Ang taas-taas ng tingin niya rito. Lalo iyong tumataas sa p
