"Congratulations Miss Espino. Siya ang valedictorian natin. Si Miss Lagade ang salutatorian ngayong taon na ito,"
Parang nabingi si Mayet sa narinig na anunsiyo ng guro nila. Hindi na niya mabilang ang kamalasang iyon at tuluyan na siyang nanlumo. Maging ang huling pagasa niyang maging scholar kahit panandalian lamang ay lumipad pa.
Nagpalakpakan ang mga kaklase nila pero siya ay nanatiling nakatulala. Siguradong ikadidismaya na iyong tuluyan ng kanyang ina.
Nanghihinang napahawak na lang siya sa noo at pilit na hinagilap sa isip kung ano ang nangyari. Bakit nagkaganoon ang grado niya. Habang nakayukyok siya ay namamasa ang mga mata niya sa labis na frustration.
"M-Ma'am!" tawag pansin niya sa guro nila at nakangiti itong hinarap siya. "G-Gusto ko lang pong malaman kung p-papaano nang
