Pinagmamasdan ni Damien ang kabuuan ng dalaga na nakatalikod habang naghuhugas ito ng mga pinagkainan nila kanina. Nakatayo siya sa pasilyo ng kitchen habang si Trina naman ay nasa lababo. Matapos nilang maghapunan ay tumungo sila ng mga bata sa sala habang nagpaiwan naman sa dining room ang dalaga. Pero ilang minuto ang lumipas ay nagpasya siyang puntahan ito para makausap. At heto na nga ang nadatnan niya.
Napangiti siya sa isiping wala man lang nagbago sa itsura nito. Lalo lamang itong gumanda at su-me-sexy sa kan’yang paningin.
Maliban na lamang sa buhok nitong hanggang balikat na lang ang haba ngayon.
Pero gayunpaman ay bumagay naman sa dalaga ang bagong gupit nito. Lalo pa nga itong gumanda sa mga mata niya. Kahit anong klase ng gupit siguro ay babagay rito dahil sa taglay nitong
