Chapter 33
BUHAT ni Paulo ang dalaga agad nilang tinungo ang pintuan papuntang likod bahay kasama si Ka Jimmy na bitbit ang duffel bag ng binata. Mas lalo nilang binilisan ang paglalakad nang makarinig sila ng mga parating na sasakyan. Base sa ingay nito nasa dalawa o tatlo ang mga ito. Na-surprise pa ang binata nang hawiin ni Ka Jimmy ang makapal na dahon ng balite na nakasayad sa lupa. Tumambad sa kanila ang isang makitid at napakahabang daan habang sa tabi nito ang mga puno ng ipil-ipil. Kung susuriing mabuti para itong ’di pangkaraniwang daan lamang o gubat na tila nababalutan ito ng hiwaga. Nagdadalawang isip man at may takot walang choice ang dalawa kun ’di pasukin ’yon.
“Sige na mauna na kayo. Susunod ako,” saad ni Ka Jimmy sa dalawa agad iniabot ang duffel bag sa binata.
“Pero
