"Hindi mo sabi kailangang sumama!" pagalit na sabi ko kahit na nasa elevator na kami ni Sebastian at pababa na ito sa basement parking.
"I told you, sasama ako. I need a break."
Gusto ko na lang mapairap nang makitang handang-handa na talaga s'ya para sa foam party. He's wearing a Hawaiian shorts, puti iyon na may mga kulay asul at berdeng bulaklak at dahon na disenyo. Puti rin ang polong suot n'ya na katerno talaga ng kanyang shorts. Bahagyang nakabukas ang ilang butones niyon sa may bandang dibdib.
Pasimple kong sinuyod ang sarili. Puting sleeveless top na naka-tuck in sa kulay lumot na cargo pants ang suot ko. Mukha yata akong basahan kung itatabi rito kay Sebastian.
"Sigurado akong bubugbugin ako ni Alfon kapag nalaman n'yang hinayaan kitang pumunta roon sa party na iyon," dagdag
