"Next time, sa mas malayo tayo mag-lunch or mas better if dinner time..."
"Bakit tayo lalayo kung may mas malapit naman? At puwede rin namang dito na lang sa condo..." malamig na sabi ko.
Pareho kaming nasa loob ng elevator at naghihintay na lang na dumating sa tamang palapag. Lampas tanghali na nang matapos kaming mag-grocery kaya sa labas na rin kami kumain.
Ayaw ko pa sana dahil nagtitipid ako pero nagpilit si Sebastian kaya wala akong nagawa. Hindi nga lang ako pumayag na sa Shangri-La, ang napili n'yang lugar, para lang sa lunch. Hindi naman n'ya ako napilit dahil nasunod ang gusto kong sa isang restaurant na lang sa Greenbelt kami pumunta para kumain. At iyon ang ipinagpuputok ng butse n'ya ngayon, mula pa kanina at hindi pa nga s'ya tapos doon hanggang ngayon.
I glanced at his
