Memories...
They're scary.
Basta na lang sila sisilip sa 'yo at pipiliin pa nila ang mga oras na hindi mo inaasahan. Kaya siguro ay hirap ang karamihan sa pagbangon. Dahil paano nga naman magiging madali ang pagbangon kung sobrang hirap ang lumimot?
Hindi naman kasi dapat nakakatakot ang kahapon. Hindi dapat takbuhan ang nakaraan pero dahil sa mga alaalang kaugnay ng noon, laging apektado ang ngayon.
Ang mga alaalang iyon din ang dahilan kung bakit sa sumunod na araw ay mas inagahan ko ang pag-alis sa condo.
Ayaw kong makita si Sebastian dahil baka ulitin lang n'ya ang tanong n'ya kahapon. Natatakot akong hindi na lang ang mga alaala ng nakaraan ang sumilip.
Hindi lang naman sa araw na iyon. Sa mga sumunod pang araw ay mas inaagahan ko ang alis sa condo ni Kuya. Gutom na gutom tulo
