Hindi ako sigurado kung kailan nagsimula pero may napansin akong may nagbago kay Sebastian at sa pakikitungo n'ya sa akin. Pero mukhang hindi lang naman sa kanya, pansin kong maging sa akin ay may nagbago rin.
Malaki ang nagbago sa pagitan naming dalawa. Hindi lang ako sigurado kung ano pero alam kong sa oras na hayaan ko, baka masaktan lang ulit ako. Ngunit heto nga, hinahayaan ko.
Dalawang araw akong absent sa mga trabaho ko at dalawang araw din akong hindi nakapasok sa review center noong nagkasakit ako.
Mas okay na ako ngayon at masasabi kong nakabawi na rin dahil mahigit isang linggo na naman ang lumipas mula nang alagaan ako ni Sebastian.
Ganoon na rin katagal mula nang mapansin kong may nagbago sa pakikitungo namin sa isa't-isa.
Mas naging maalaga at malambing sa akin si Sebast
