Sunud-sunod na katok ang nakapagpaigtad kay Ursula. Mula sa notebook na nasa lapag ay napasulyap siya sa pinto ng banyo na may kumakatok at nagtatanong kung may tao ba sa loob.
“Ginagamit ko ang banyo,” matigas na saad niya. Kilala naman siyang apo ng may-ari kaya karamihan ay ilag sa kaniya. Tanging si Danilo lang ang nakasundo niya, palibhasa classmates sila nung college.
“Eula? Saglit lang ako. Kasi kailangan ko nang magpalit ng damit.”
“Saglit lang.”
Agad na sinamsam ni Ursula ang mga nakakalat na gamit at dinampot ang cellphone na basag ang harapan. Nagdadalawang-isip pa siya kung dadamputin din ang notebook, pero sa huli, isinara na muna niya iyon bago isinilid sa bag.
Humugot ng ilang tissue at nagmamadaling dinampot ang mga nagkalat na ngipin sa lababo at isinilid sa bag. I
