Tulala habang nakabuka nang malaki ang bibig ni Ursula sa harap ng sariling banyo. Kumpleto na ulit ang kaniyang ngipin! At unti-unti, naisara niya iyon at napangiti nang malawak.
Totoo nga!
Bago siya matulog kaninang alas-kuwatro, hindi pa iyon bumabalik. Ngayon, kumpleto na. Nakakatawa, pero parang na-miss niya ang kaniyang mga ngipin. Hinawakan niya pa ang unahang ngipin at inuga-uga. Baka mamaya, peke lang pala ito. Matibay naman, ni hindi man lang iyon natinag. Muli niyang ibinuka at tsinek pa ang loob. Wala na ni isang kulang.
Kumpletong-kumpleto!
Diretsong kumuha na siya ng toothbrush at nilagyan ng toothpaste. At nasisiyahang humarap sa salamin habang bina-brush ang mga ito. Tinodo niya ang pagsisipilyo at mayamaya pa ay natigilan.
Kung bumalik na sa dati ang kaniyang mga ngip
