Isang malakas na sampal at sabunot ang natamo ni Ursula mula sa kaniyang lola. Halos isang linggo pagkatapos na mailibing si Christian. Lagi siyang tulala at wala sa kaniyang sarili, kaya galit na galit ang matanda.
“Pun***a ka! Ano?! Ganiyan ka na lang?! Pinagbigyan na kita noong burol, pero halos isang linggo na ‘yang kagagahan mo. Kapag hindi ka pa bumangong hayop ka, ako mismo ang kakaladkad sa ‘yo para pumasok sa hospital!” At isang malakas na kalabog ng pinto ang nagpatulig kay Ursula.
Kahit pa, manhid na ang buo niyang pagkatao sa ginagawa at naririnig mula sa lola, hindi pa ring maiwasang maiyak ni Ursula. Agad naman niyang pinahid ang luha at pumasok ng banyo.
***
Hinahanap niya ang pares ng sapatos na gusto niyang suotin ng marinig na nagsisigaw na naman ang kaniyang lola. S
