Kahit na tigmak sa luha ang mata ni Ursula, ipinasya niyang dumiretso ng banyo. Huminga siya nang malalim at tsinek na maigi ang sarili. Ilang minutong tumambay sa banyo at kinakabahan kung ano ang maaaring mangyari sa kaniya ngayong hindi niya natupad ang utos. Nang walang ibang maramdaman, lumapit sa lababo at bubuksan na sana ang gripo para maghilamos, sunud-sunod na katok ang narinig niya sa labas ng kuwarto. Kasabay ang pagtawag ni Aling Merla sa kaniya. Hindi siya sumagot dahil alam naman niyang ipinapatawag lang naman siya ng kaniyang lola. Itinuloy niya ang paghuhugas ng kamay at pinakatitigan ang sarili sa salamin.
Alam niyang may mangyayaring masama sa kaniya, oras na hindi natupad ang utos. Tulalang hinihintay na lang niya iyon. Hindi niya alam pero parang namanhid na ang buon
