#Duplikado
TRENTA’Y TRES
Nagpasya na lamang ako na hindi lumabas dito sa unit. Wala si Dylan dahil nasa kumpanya niya ito at pumasok kaya naman mag-isa lang din ako. Sinabi man niya na mamasyal ako pero parang tinamad na rin ako dahil wala nga akong kasama.
Nililibot ko nang tingin ang kabuuan ng unit ni Dylan. Masasabi kong malaki naman ito at maganda. Moderno ang istilo, namamayani ang kulay puti na kulay. Kumpleto sa mga gamit na pawang mga mamahalin. Ang isa sa mga gusto ko dito ay ang lamig dahil sa centralized ang aircon.
Tipid akong napangiti nang makita ko mula sa gitna, sa may living room... nakasabit sa pader ang isang malaking kwadrado kung saan may larawan doon. Wedding picture nila Dylan at Alexander. Kapwa nakangiti at kung titingnan ang litrato, larawan si
