#Duplikado
TRENTA’Y SINGKO
Hanggang ngayon ay nandito pa rin kami ni Dylan sa Tingko Beach at naglalakad-lakad. Hindi ko maiwasang mamangha dahil kung maganda dito sa lugar na ito kahit may liwanag, mas maganda rin pala dito sa pagsapit ng gabi. Buhay na buhay ang gabi dahil na rin sa mas madaming makikita dito. Ang liwanag nga e kahit na kalat na ang dilim sa kalangitan.
Mas dumami na rin ang mga tao. Ang mga kanina ay saradong establishimento ay bukas na ngayon. Marami din palang pwedeng puntahan dito kapag gabi at kung tutuusin, para na rin kaming nasa Boracay dahil hindi nalalayo ang kalakarang meron dito sa lugar na iyon.
Hindi pa naman ako nakakapunta sa Boracay pero dahil sa sikat ang lugar na iyon lalo na sa mga balita, alam ko naman kung anong meron doon at mukha
