#Duplikado
BENTE UNO
Nililibot ko ang tingin ko sa kabuuan ng loob. Grabe, hindi ko akalain na may ganito palang lugar dito sa mansyon. Ngayon lamang kasi ako nakapasok dito sa ilang linggo kong pananatili dito. Nasa unang palapag ito.
“Ito ang mini bar dito sa mansyon... Kumpleto dito kaya hindi mo na kailangang pumunta pa sa isang bar para lamang magsaya dahil dito, magagawa mo na kung anong pwedeng gawin sa loob ng isang bar.” Sabi sa akin ni Dylan na kasama ko ngayon dito.
Malaki ang nasabing lugar. Sa bandang kanan, doon makikita ang isang parte na kung saan may mahabang mesa, sa tapat ng mga mesa ay may mga mataas na upuan. Sa likod naman ng mesa, may isang malaking cabinet kung saan nakalagay ang mga iba’t-ibang klase ng alak. Sa itaas ng mesa, nakasabit ang mga w
