#Duplikado
BENTE TRES
Dumiretso ako ng upo sa gilid ng kama pagkapasok namin ni Dylan ng kwarto. Siya naman ay pumunta sa closet at pagkalabas niya ay nakita kong may dala na siyang twalya. Napatingin siya sa akin.
“Napagod ka ba sa pamamasyal natin?” tanong niya.
Napangiti ako saka umiling.
“Hindi naman masyado.” Sabi ko.
“Mabuti na lang at naging maayos ang pamamasyal natin... Walang gumambalang fans mo.” Sabi niya.
“Oo nga e... Ikaw, mabuti na lang at hindi ka namukhaan... Sikat ka rin kaya.” Sabi ko. Alam kong kilala siya sa corporate world.
Napangiti siya. Ang gwapo talaga niya kapag nakangiti.
“Patunay lang iyon na mas interesado ang mga tao pagdating sa entertainment world kaysa sa corporate kung saan kabilang ako.” Sabi niya.
Na
