"Kainis!" Maktol n'ya habang naglalakad sa gilid ng kalsada. Kung saan halos mga sikat na restaurant at mga mamahaling boutique ang nasa paligid. Alam n'yang pag mamay-ari ng mga Saavedra ang gusaling nilalakad n'ya. Ganoon kayaman ang mga Saavedra na halos ang mga ito na ang nagmamay-ari sa buong bayan ng San Sebastian. Ultimo ang subdivision na kinatitirikan ng malaking bahay nila ay mga Saavedra rin ang nagmamay-ari.
"Bwisit talaga ang Gab na yon," bulong n'ya at pumasok sa isip ang paghalik nito kanina. Mabilis n'yang iniling ang ulo. Hindi na n'ya dapat isipin pa ang halik na 'yon ni Gab sa kanya. May nobyo s'ya at mahal n'ya si Glenn. Kasalan ang ginawa n'ya kanina, pero hindi n'ya ginusto 'yon. Hindi lang s'ya nakaiwas kay Gab.
Habang naglalakad kinuha n'ya ang cellphone sa bag p
