في قلوب العاش*ين

في قلوب العاش*ين البارت الثامن

في قلوب العاش*ين

البارت الثامن

بقلم / غاده سعيد

فارس خد اسما وطلعوا على فوق ....

اسما / انت ازاي تحرجني بالطريقه دي قدام مامتك كل ده عشان غيرانه عليك .... انت يا فارس مبقتش تحبني زي الاول خلاص يا فارس انا مش هضايقك تاني بكلامي انا اسفه ...

فارس : ليه كده يا اسما بتحاولي تبعديني عنك انا باحبك بس انتي ب تصرفاتك دي هابعد عنك نهائي عشان انا ما بحبش الشك ... مين قال لك اني ممكن ابص لحد غيرك ...

اسما : اللي انا ملاحظاه ان البنت دي واخده اكبر من حجمها في البيت ده ولازم تقف عند حدها ما ينفعش تكون في الاوضه وتخبط وتدخل كده لازم تعرف ان في حدود مش اي وقت واي مكان تدخل فيه ليها حدود في البيت ده ما ينفعش تتعداها ....

فارس : انا شايف انك مكبره المواضيع زياده عن اللزوم يا اسما على العموم خلاص انسي كل اللي حصل بس يا ريت تغيري من نفسك عشان انا بدات اتخنق ...

اسما : ماشي المهم ما تكونش زعلان مني و نبدا من اول وجديد عاوزين نحدد الفرح في اسرع وقت احنا كده بقى لنا كتير قوي ما فيش حاجه تمنعنا نتجوز في اي وقت ...

فارس : ان شاء الله هاشوف الموضوع ده ...

مسكت ايديه ونزلوا على السلم مع بعض حور وفريده كانوا قاعدين تحت بيتكلموا .... حور شافتهم وهما نازلين ماسكين ايد بعض وافتكرت الكلام اللي كان فارس بيقولوا لها امبارح على اسما كانه ما كانش طايقها ولا عاوز يبص في وشها اول ما شافتهم حست بحزن شديد وما تعرفش ايه السبب واسما كانت بتبص لحور ضحكه صفرا كانها بتقول لها اوعى تنسى نفسك انتي مين واوعي تتعدى حدودك ... اسما اول ما نزلت قالت لحور : هاتي لي كوبايه ميه يا حور ...

ردت فريده : حور دلوقتي تعبانه ومش بتعمل حاجه انا جبتها هنا تقعد معايا شويه لحد ما نجيب حد بدلها هنجيب حد ينضف و يخلي باله وهي تشرف عليه لانها تعبانه ....

اخدت اسما فريده من ايديها وقفوا يتكلموا على جنب مع بعض وحور وفارس كانوا واقفين لوحدهم ...

فارس بص لحور وقال لها : عامله ايه دلوقتي يا حور بقيتي احسن ...

حور : انا الحمد لله كويسه مبسوطه انك سمعت كلامي بتاع امبارح وتصالحت انت واسما هانم ...

فارس : ايوه فعلا احنا اتصالحنا وان شاء الله هنحدد الفرح قريب ....

حور : الف مب**ك ربنا يسعدكم وراحت مدوره وشها وقالت لفريده انا هاروح على الاوضه بتاعتي عشان تعبانه شويه ...

فارس استغرب من رد فعلها جدا لان هي اول ما سمعت سيره الجواز دورت وشها بسرعه كانها اتصدمت و فارس راح يقف مع فريده واسما

اسما : ايه اللي انا سمعته ده يا فريده يعني ايه هتجيبوا واحده تنضف امال حور دي لازمتها ايه هنا فريده : هتبقى مسؤوله عن المطبخ وكمان هنجيب واحد يطبخ وهي هتقول له على الطريقه لانها تعبانه انا اقترحت على ماما الاقتراح ده ...

اسما : طب وايه لازمتها لما تبقى ما بتعملش حاجه واقفه تشرف على ناس بتنضف انتوا هتخلوها هنا عاله عليكم يعني ولا انتم بتعطفوا عليها ولا ايه ....

فريده : سميها زي ما تسميها بس حور مش هتمشي من البيت ده لاننا خلاص مش ها نستغنى عنها في البيت اسما : انا مستغربه جدا من رد فعلك انتي وطنط عليها .. غريبه قوي انكم تفضلوا متمسكين بيها بالطريقه دي هي عامله لكم ايه يعني ...

فارس : خلاص يا اسما احنا مالنا يعملوا اللي يعملوه كل واحد يعمل اللي يريحه ..

اسما : عندك حق فعلا يا حبيبي ... مش تباركلنا يا فريده انا وفارس خلاص هنحدد الفرح ما فيش مب**ك فريده : الف مب**ك يا فارس هتحددوا امتي لاني لو سافرت مش هاقدر انزل من السفر على طول في حاول تحدد بسرعه لاني هاقعد هنا شهر او شهرين ..

فارس : طب كويس انك قلتيلي المعلومه دي عشان احدد بسرعه انا عمري ما هاعمل فرح وانتي مش موجوده ...

فريده : تعالي يا فارس لو سمحت عاوزاك في كلمتين اسما اول ما سمعت فريده بتقول لفارس كده اتضايقت منها جدا لانها كانت واقفه معاهم راحت ماشيه وراحت ل عالية .... فريده اخدت فارس على جنب تتكلم معاه وتقول له : انت متاكد من الخطوة الي انت هتاخدها دي يا فارس ...

فارس : والله ما انا عارف يا فريده بس انتي عارفه ان انا باحب اسما من زمان والمفروض نحدد الفرح لانه كل شويه بيتاجل ....

فريده : بس الحب مش كل حاجه يا فارس لازم شريك حياتك ده تختاره كويس انت عارفاني مابرتحش ل اسما دي من زمان بس برده دي حياتك وانت حر فيها فارس : ان شاء الله هتبقى كويسه وبعد الجواز وهترتاحيلها و تبقوا اصحاب كمان .....

فريدة : والله انا اتمني حاجه زي دي تحصل بس انا عمري ما حسيت اننا ممكن نبقى اصحاب انا واللي اسمها اسما دي طول عمري حاسه اتجاهها حاجه غريبه و عمري ما حسيت حتى انها بنت عمي ... ما اعرفش يا فارس بس انا عايزه اقول لك اني احساسي عمره ما خيبني في حد ابدا ... وبرده ارجع اقول لك دي حياتك وانت هتختارها وانت اللي هتعيش معاها مش انا ... انا قولت انصحك وخلاص .... دخلت عاليا هانم مع اسما عاليا : يا اولاد قررتم الفرح هيبقى على امتى ...

فارس : لسه يا ماما هنشوف كده بس انا مستحيل اعمل الفرح وفريده مش موجوده انا لازم احدد مع فريده الاول ....

اسما : ان شاء الله هتكون موجوده وهي قالت لك اهي هتبقى قاعده شهر او شهرين احنا ممكن نستعجل عادي فيها ايه يعني ....

فارس : انا ما بحبش الاستعجال سيبيني احدد وبعد كده هابقى ارد عليكي ...

دخلت حور : لو سمحتي يا مدام عاليا انا عاوزه اتكلم مع حضرتك في موضوع ...

عاليا : خير يا حور ...

حور : انا عايزه امشي اروح لاهلي انا ما بقاش ليا لازمه هنا وانا كل ما اعمل حاجه حضرتك و استاذه فريده تقولوا لي اقعدي ارتاحي امال انا هاخد فلوس على اساس ايه انا ما بحبش اشتغل واخد فلوس غير لما اكون تعبانه في الشغل ...

فارس : بس انتي يا حور فعلا تعبانه والدكتور قال لازم ترتاحي قال لي الكلام ده وانا قاعد معاكم ...

اول ما اتدخل في الكلام اسما بصتله بصه استغراب وراحت مدوره وشها ...

فريده : مش هتمشي يا حور ادم بيحبك قوي واعتبري نفسك مسؤوله عن ادم و مالكيش دعوه ب البيت احنا كده كده هنجيب واحده تانيه تنضف ....

راحت اسما متكلمه ومبوظه الدنيا اكتر ...

يتبع

كتابات ل ghada saeed