في قلوب العاش*ين البارت السابع

2002 Words

في قلوب العاش*ين البارت السابع بقلم / غاده سعيد الباب خبط واتفتح فجأه و لقوا حور داخلة عليهم شافت منظرهم و هما حاضنين بعض ..... حور : انا اسفه والله انا بس نسيت تليفوني مع استاذ فارس و كنت عاوزاه ضروري .... اسما : انتي ازاي تفتحي الباب فجاه كده مش في ناس جوه ايه قله الذوق دي لو ما كانش حد من اهلك علمك الذوق فانتي لازم تتعلمي لانك عند ناس محترمه ... حور : والله انا خبطت بس تقريبا ما حدش سامعني انا قلت اكيد فارس بيه لسه ما نمش عشان كده خبطت وفتحت انا اسفه ... فارس : لا ما فيش حاجه يا حور تليفونك فعلا معايا اهو خديه ... اداها التليفون وحور نزلت وكانت في نص هدومها دخلت اوضتها بس هي مش عارفه ايه اللي مخليها زعلانه او متضايقه من المنظر اللي شافته هي نفسها مش عارفه مع ان دي حاجه متخصهاش في حاجه .. اسما كانت قاعده مع فارس فوق و متعصبه ... اسما : ايه قله الذوق اللي البنت دي فيها في حد يفتح على حد الباب فجاه كده .... فارس : هي خبطت واحنا مخدناش بالنا فا متكبريش الموضوع ... اسما : لا هي اصلا ما لهاش انها تخبط عليك في اي وقت كانت تستني الصبح بعد كده تاخد تليفونها لازم تخليها تلزم حدودها معاك عشان ماتاخدش عليك يا اما تمش*ها خالص عشان كده مش هينفع انا هاتكلم مع طنط عاليه في الموضوع ده .... فارس : لو سمحتي يا اسما ما لكيش دعوه بالموضوع ده خالص احنا حرين نخلي مين عندنا او نمشي مين انا مش باقول لكم بتعملوا ايه في البيت عندكم ليه عايزه تقطعي عيش واحده غلبانه وما عملتش حاجه ... اسما : كل ده وما عملتش حاجه انت مش ملاحظه انها بتحاول تلفت نظرك باي طريقه تلاقيها كانت سايبه تليفونها متعمده عشان تطلع تاخده منك وانت قاعد لوحدك ..... فارس : عيب عليكي تتكلمي علي واحده بالطريقه دي .. اسما : انا ماشية خلاص عشان القاعدة هنا بوخت اوي .. فارس سمع كلام اسما وما ردش عليها وهي اخدت شنطتها ونزلت وهو واقف في البلكونه يبص عليها كانت حور ماسكه تليفونها واقفه في الجنينه .... نزلت اسما عند حور وقالت لها .... اسما : على فكره يا حور انا حطيتك في دماغي ومش هشيلك منها غير وانتي ماشيه من البيت ده ... حور : هو انا عملت ايه انا اي حاجه بعملها والله ما كان بيبقى قصدي مش عايزه حضرتك تزعلي مني .... اسما : لو فعلا مش عاوزاني ازعل منك سيبي البيت ده حالا وامشي انتي ما لكيش قعاد في البيت ده اصلا ازاي اهلك سايبينك قاعده في بيت في شاب و بايته كمان .... حور : انا مش باعمل حاجه غلط انا قاعده باشتغل و باكل عيش عشان اقدر اصرف على اهلي واجيب علاج ابويا وفلوس المدرسه بتاعه اخواتي .. اسما : لو محتاجه فلوس انا ممكن اد*كي المرتب اللى بتاخديه هنا بس تسيبي الشغل .... ايه رايك تقعدي في بيتك وتوصل لك الفلوس لحد عندك و تسيبي الشغل هنا .... حور : انا مباخدش فلوس من حد انا متعبتش فيها وبعدين اظن الكلام ده يقولهولي اصحاب البيت مش حضرتك ... اسما سمعت الكلام وبصتلها من فوق لتحت وسابتها ومشيت وفارس كان واقف متابع الموقف من فوق و شاف اسما بتكلمها بعصبيه ... نزل عشان يشوف كان في ايه ... البيت كله كان نايم وحور بعد ما اسما مشيت راحت قاعده في الجنينه مذهوله من كلام اسما وازاي هي تظن فيها حاجه زي دي .... نزل فارس لقي حور قاعده في الجنينه مش بتعمل اي حاجه وحاطه تليفونها جنبها كانت قاعده سرحانه فارس : عامله ايه دلوقتي يا حور ... حور : الحمد لله احسن ... فارس : هي اسما كانت بتقولك ايه لما نزلتلك تحت ... حور : ولا حاجه ما كانتش بتقول كانت بتسال عليا بس فارس : ما تكذبيش يا حور انا شايف من فوق وهي بتكلمك بعصبيه اكيد كانت بتقول لك حاجه تضايقك حور : هي للاسف فهماني غلط خالص انا جايه هنا عشان اشتغل واصرف على اهلي هي فاكراني جايه عشان حاجات تانيه انا عمري ما هعملها وقالت لي كلام جارح انا مش هاقدر اقوله وكمان عرضت عليا اني اسيب الشغل هنا وامشي وتديني فلوس بس انا قلت لها اني ما باخدش فلوس من حد في حاجه انا ما تعبتش فيها واشتغلت بس بالله عليك يا استاذ فارس اوعي تقول لها او تتخانق معاها بسببي ..... فارس : هي ازاي تقول لك حاجه زي دي وانتي ليه سكتلها ما ردتيش عليها .... حور : هرد اقول ايه هي عندها حق انا ما كانش ينفع افتح الباب وادخل علي طول بس انا والله خبطت الاول على الباب قبل ما ادخل وانتم اللي ما سمعتوش الصوت انا اسفه مره تانيه يا استاذ فارس هي فعلا عندها حق وانا غلطانه ان شاء الله مش هتتكرر تاني مش هاعمل اي حاجه تضايقكم تاني انا هادخل دلوقتي عشان انام فارس : ايه اللي بتقوليه ده يا حور انتي ما عملتيش اي حاجه اسما دي مخها تعبان وانا زهقت منها ومن تصرفاتها ..... ما تاخديش على كلامها هي ملهاش دعوه ولا ليها سلطه في البيت ده لما تيجي تتكلم معاكي تاني قولي لها انا ما بتسمعش كلام حد غير عاليا هانم وقالتلي ما تاخديش اي كلام من حد غيري انا و استاذ فارس حور : انا مش عايزه اسبب لحضرتك اي مشاكل مع استاذة اسما .... فارس : لا ما فيش مشاكل ولا حاجه وكل حاجه هتبقى كويسه يلا تصبحي على خير .... طلع فارس فوق في الاوضه بتاعته و قعد يفتكر لما حور كانت جايه ملهوفه على ادم ولما الدكتور قال على فصيله الدم وهي ما ترددش لحظه انها تتبرعله بدمها رغم ان هي تعبانه و عندها امراض كتير ويفكر في اسما واسلوبها اللي ما بقاش يطاق و قعد يقارن ما بينهم بعد كده فاق من اللي هو فيه وقال لنفسه ايه الهبل اللي انا باعمله ده ازاي اقارن بين خطيبتي وواحده شغاله انا اكيد في حاجه في دماغي ... دخل نام والصبح بدري صحي فارس و راح عند اخته فريده الاوضه .... فارس : ادم عامل ايه دلوقتي يا حبيبتي يا رب يكون احسن ... فريده : الحمد لله احسن بكتير يا حبيبي والفضل يرجع بعد ربنا ل حور .... انا عايزه انزل اتطمن عليها عامله ايه دلوقتي عاليه : تعالى يلا ننزل انا وانتي نشوفها عامله ايه وانت خليك يا فارس انت وحازم مع ادم ... نزلت عالية هي وفريده عشان يطمنوا على حور و يشوفوها عامله ايه دلوقت خبطوا عليها الباب ودخلوا لاقوها لسه نايمه ... عالية : معلش احنا صحيناكي من النوم انتي عامله ايه دلوقتي واخبارك لسه تعبانه .... حور : انا الحمد لله بقيت احسن طمنوني على ادم انا طول الليل قلقانه عليه .... فريده : انا مش عارفه اقول لك ايه يا حور انتي انقذتي ابني ما اعرفش انتي لو ما كنتيش موجوده كنا هنعمل ايه من غيرك شكرا ليكي بجد وبجد لو محتاجه اي حاجه انا مش عارفه ارد لك الجميل ده ازاي لو في اي حاجه محتاجاها او نفسك فيها قولي لي وانا مستعده هردلك الجميل بأي تمن .... حور : ايه اللي حضرتك بتقوليه ده يا فريده هانم انا لما عملت كده ما كنتش مستنيه اي حاجه انا كنت كل همي ان ادم يكون بخير ما كانش في نيتي اي حاجه ربنا يعلم ان كان غرضي الوحيد ان ادم يكون كويس والجرح اللي في دماغه يبقى كويس اعتبريني اختك الصغيره مش اختك لو كانت في الموقف ده كانت هتعمل كده وزياده .... فريده : انتي بجد ما فيش زيك يا حور ولا في طيبه قلبك ربنا يقويكي على اللي انتي فيه وتكوني احسن حد في الدنيا ... حور : انا هاقوم دلوقتي يا عليا هانم عشان اشوف هاعمل اكل ايه معلش انا نمت كتير النهارده انا عارفه بس انا ما حستش بنفسي من كتر التعب عاليا : لا طبعا انتي مش هتعملي اي حاجه النهارده احنا هنطلب اكل جاهز وانا كلمت المكتب يجيب واحده تنضف انتي بعد كده هتشرفي على اللي بينضف و هاجيب حد يعمل الاكل وتشرفي برده عليه ...وتقوليله على طريقه الاكل وهو يعملها ما تتعبيش نفسك خالص يا حور انتي خلاص بقيتي واحده مننا ... فجأه باب الفيلا خبط من بره و عم عبده البواب راح يفتح لاقوا اسما داخله بعربيتها ... اسما : حمد لله على السلامه يا فريده ايه يعني كلكم متجمعين هنا في الاوضه ... فريده : ايوه كنا بنطمن على حور ... الله يسلمك اسما : طمنيني ادم عامل ايه دلوقتي يا رب يكون بخير . انا كنت هنا امبارح وكنت عاوزه اقابلك بس فارس قال لي انك نايمه وتعبانه وادم كمان تعبان وما فيش حد صاحي فمشيت وقلت اجي لك النهارده ... اسما : اه فعلا انا كنت نايمه وتعبانه ادم الحمد لله بقى احسن والفضل يرجع بعد ربنا لحور هي اللي انقذته يعتبر .... اسما بصت على حور كده وراحت مدوره وشها ودخلت جوه وعليا راحت وراها دخلت عليها عليا : انتي ما لك يا اسما شكلك مش طبيعي في حاجه مضايقاكي ولا ايه اسما : ايوه طبعا في حاجات كتير مضايقاني هو حضرتك مش شايفه انكم مديين البنت دي اكبر من حجمها وبعدين ازاي حضرتك تسيبي فارس لوحده في المستشفى معاها انا اروح المستشفى الاقيه قاعد معاها في الاوضه وعمالين يتكلموا بصفتها ايه هي تركب معاه العربيه ويروحوا سوا مع بعض البيت ... عليا: ايه اللي بتقوليه ده يا اسما انا كنت فاكره مخك اكبر من كده انت بتغيري من بنت غلبانه دي هي اللي ساعدتنا ووقفت جنبنا امبارح في التعب بتاع ادم .... اسما : لا انا ملاحظه انها بتعمل كل حاجه عشان تلفت نظر فارس هتفرحي يا عليا هانم لما واحده شغاله ما تسواش حاجه تاخد ابنك مني ومنك ... عليا : قصدك ايه بالكلام ده هو في حاجه حصلت ولا ايه .... اسما : اه طبعا في حاجات كتير بتحصل حضرتك مش واخذه بالك منها انا امبارح كنت مع فارس في الاوضه اعتذر له على موضوع الداتا بتاعه اللاب توب وبحاول اصالحه لقيت البنت دي داخله عليه كانها واحده من العيله وفتحت الباب فجاه من غير حتى ما تخبط ايه اللي اداها المساحه انها تفتح على فارس الباب غير لو في حاجه ما بينهم .... عاليا : امتى الكلام ده حصل وازاي ما تقوليش حاجه زي دي هو انا قاعده في البيت ده ايه بالضبط ... اسما : بس اوعى حضرتك تحكي لفارس حاجه احسن يتخانق معايا تاني انا ما صدقت صلحت علاقتي بيه شويه لو عرف الكلام ده هيقول انى وقعت الدنيا كلها في بعض ... عاليا : لا بس انا لازم الفت نظر حور للنقطه دي ولازم ماتتعداش حدودها انا كنت فاكره ان البنت دي ملاك وما لهاش في اي حاجه يعني في الاخر هيطلع الحكايه كده لا انا لو كده يبقى امشيها احسن ما يحصل حاجه من الاول .... كانت بتتكلم كده وما تعرفش ان فارس كان نازل من على السلم وسامع كل حاجه وعارفه ان هما بيتكلموا على موضوع حور ... فارس : انتي بتقولي ايه يا اسما كمان هتتبلي على واحده غلبانه بتقول انها دخلت عليا الاوضه من غير ما تخبط الباب انا كل يوم باستحقرك عن اليوم اللي قبله بتزمي في واحده عشان بتغيري منها ... اسما : اغير من حته شغاله ايه اللي انت بتقوله ده يا فارس انت كمان بتقول لي اني بغير من الشغالين ... فارس : ايوه بتغيري منها ونفسك تكوني قلبك ابيض زيها ومش عارفه ازاي انا ازاي كنت مخدوع فيكي بالطريقه دي وانتي يا ماما ما تسمعيش كلامها دي كذابه والله حور طلعت فوق عشان كانت ناسيه تليفونها وخبطت على الباب ودخلت مادخلتش كده فجاه زي ما اسما بتقول اوعى تشكي في اخلاق حور يا ماما دي بتقول كده عشان نفسها ان حور تمشي من هنا عليا : بطلوا شغل العيال ده انت وهي انتو مخطوبين و فرحكم قرب مش عاوزين مشاكل و شوشره ما تنسوش ان جوز اختك هنا و عندنا ضيوف اطلعوا فوق اتصافوا و اتصالحوا عشان احنا خلاص عاوزين نحدد الفرح فارس : انا مش هينفع احدد الفرح دلوقتي غير لما اسما تتغير وتبقى البنت اللي انا حبيتها زمان مش واحده شكاكه وكل شويه تعمل مشكله على حاجات تافهه عليا : اطلعي يا اسما خدي خطيبك فوق واتكلموا مع بعض و شيلي من دماغك موضوع حور ده عشان هي بنت غلبانه وانا مش ها مشيها لانها ما عملتش معانا حاجه وحشه انتي خليتيني اشك فيها وهي ما عملتش حاجه ما تخليش غيرتك وشكك يخليكي تأذي حد مالهوش ذنب في حاجه يلا يا فارس خد اسما و اطلع فوق لو سمحت .... خد اسما و طلعوا فوق يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more