في قلوب العاش*ين البارت التاسع

1671 Words

في قلوب العاش*ين البارت التاسع بقلم / غادة سعيد اسما : والله يا جماعه هي ادرا ب نفسها هي واحده عاوزه تشتغل ب ضمير و مش موافقه عالوضع ده و عاوزه تمشي انتو هتقعدوها بالعافيه ولا ايه .... فريده : احنا مش هنقدر نستغني عن حور ... متمشيش يا حور انا عوزاكي هنا مع ادم انا قاعدة شهرين بس متمشيش وتسيبيني لما الشهريين يعدوا ابقي امشي براحتك لو عاوزه .... عاليا : خلاص بقي يا حور خليكي قاعدة هت**في فريدة ولا ايه .... حور : لا طبعا مش ه**ف استاذة فريده وهقعد معاها بس لازم يبقي ليا شغل معين مقعدش كده مليش لازمه ...... فريده : ازاي يعني انتي هتقعدي مع ادم طول اليوم يعني ايه مالكيش لازمه .... اسما كانت واقفه هتتجنن من كلامهم ومبقتش مصدقه ان البنت عاوزه تمشي و هما ال ماسكين فيها .... قاطعتهم بالكلام وقالتلهم .... اسما : طيب يا جماعه احنا عندنا موضوع اهم من من ده كله احنا دلوقتي عاوزين نحدد ميعاد الفرح بما اننا كلنا موجودين عاوزن نتفق هنحدده كمان اد ايه لأنه هيبقي في خلال الشهرين دول برضو عشان فريده تكون موجوده عشان تشاركنا فرحتنا ومسكت ايد فارس و قعدت تبصله ..... فارس : ان شاء الله في اقرب وقت .... اسما خذت فارس من ايدو وطلعت على فوق وفريده و عاليا و حور كانوا تحت ... فريده : انا مش عارفه يا ماما ليه مستعجلين على الفرح كده او بمعنى اصح اسما مستعجله على الفرح عاليا : بقى لهم كتير مخطوبين وانتي عارفه انهم بيحبوا بعض من زمان خليهم يفرحوا بنفسهم وانتي وسطنا ... فريده : بس انا حاسه ان فارس مش مستعد للفرح وهي اللي عماله تضغط عليه و بتحطه قدام الامر الواقع عشان يحدد الفرح بسرعه واحرجته قدامنا كلنا دلوقتي وهو اصلا قال لها انا ما بحبش التسرع .... طول عمري باقول عليها انها مش سهله مش عارفه ليه يا ماما مش مرتاحه للجوازه دي ... عاليا : خلاص بقى يا فريده اقفلي الموضوع ده دي حياتهم وهم هيختاروا لوحدهم احنا ملناش دعوه فريده : عندك حق فعلا يا ماما هما حرين في حياتهم ... حور كانت بتسمع الكلام ده مستغربه كانت حزينه وفرحانه في نفس الوقت لان من كلام فريده ان فارس مش موافق على موضوع الفرح ده ... هي حتى مش عارفه هي متضايقه من ايه لما اسما قالت انهم هيحددوا الفرح وعمر ما جه في دماغها انها ممكن قلبها يميل لواحد زي فارس مش شبهها ولا عمره هيبصلها ولا من نفس مستواها .... حور طلعت تطمن علي ادم و تقعد معاه عشان بقى ده شغلها دلوقتي .... طلعت فوق خبطت على الاوضه اللي فيها ادم .... حور : ممكن ادخل ... رد عليها حازم وقال لها : اتفضلي طبعا يا حور ... حور : انا اسفه انا ما اعرفش ان حضرتك هنا انا جايه بس عشان اتطمن على ادم واشوفه عامل ايه دلوقتي حازم : لا ولا يهمك يا حور انا كنت عايز اشكرك على كل اللي انت عملتيه مع ابني نفسي ارد لك جزء بسيط من اللي عملتيه .... حور : انا ما عملتش غير الواجب ومن النهارده انا هافضل جنب ادم وهخلي بالي منه عشان لو حضرتك نزلت مع استاذه فريده او رحتم في اي مكان تبقوا براحتكم وانا ها خليني مع ادم انا بحبه قوي انا اصلا باحب الاطفال جدا وبحب العب معاهم ... حازم : طيب شكرا ليكي يا حور انا كده كده كنت نازل دلوقتي عشان ورايا مشوار خلي بقى ادم معاكي انا متطمن عليه وهو معاكي حور : ما تقلقش يا استاذ حازم ادم في عيني انا هقعد هنا العب معاه واخلي بالي منه .... قعدت حور تلعب مع ادم وقعدت ترسمله ويلونوا مع بعض اسما وفارس دخلوا اوضه فارس يتكلموا ... فارس : انا عايز اعرف حاجه انتي ليه حاطه حور في دماغك وايه الكلام اللي انتي قولتيه تحت ده قدامهم اسما : اصل انا استغربت منك انت واهلك البنت عاوزه تمشي و تشوف طريقها وشغلها انتم ليه متمسكين بيها بالطريقه دي .. فارس : عاوزه تمشي عشان عندها عزة نفس مش عاوزه تقعد وهي تعبانه ومش بتشتغل وتاخد فلوس وهي ما بتشتغلش لكن احنا لازم نمسك فيها لانها وقفت جنبنا و ما سبتناش انتي ما بتحسيش ولا بتفهمي في الحاجات دي خالص كل اللي همك انها تمشي وخلاص ومش عايزاها تقعد معانا في البيت ... اسما : انا خلاص يا فارس ما ليش علاقه هي تمشي ولا تقعد المهم عندي دلوقتي انك كلها كام يوم وهنبقى في بيت واحد ... احنا صحيح هنسكن في انهي بيت من البيوت بتاعتك ... فارس : انا مش هاسيب ماما هنا ... هنقعد مع امي في نفس البيت .... اسما : ايه اللي انت بتقوله ده انا من حقي ابقى عروسه جديده واعيش في بيت مستقل لوحدي انا مش عايزه اقعد مع حد خالص انت كده بتصعب الامور علينا فارس : والله ده اللي عندي وانا متفق مع عمي اني هاعيش هنا مع ماما في نفس البيت ومش هسيبها لوحدها لان فريده مش معاها على طول وكده كده هتسافر كمان شهرين مش هاسيب ماما قاعده لوحدها اسما : ازاي يعني ابقي عروسه جديده واجي هنا اقعد مع امك و تتدخل في خصوصياتي .... فارس : اعدلي كلامك يا اسما يعني ايه اقعد مع امك و تتدخل في خصوصياتي وانا من امتى ماما بتدخل في خصوصياتك عشان هتدخل فيها بعد الفرح وبعدين انتي عروسه جديده هنروح شهر عسل و هنبقى براحتنا وبعد كده هنعيش هنا مع ماما هو ده اللي عندي ومش هغيره عشان خاطر اي حد انا مش هاسيب امي لوحدها اسما : انت كده مش عاوزنا نكمل مع بعض ... فارس : والله ده اللي عندي شوفي انتي عاوزه ايه وانا معاكي في اي قرار تاخديه ده اخر كلام عندي ..... اخدت اسما شنطتها ونزلت وهي زعلانه قوي ومشيت وعاليا شافتها وهي نازله زعلانه وحست ان في حاجه وفارس دخل البلكونه وقعد يفكر ان هو حاسس انه هيتسرع وكلام فريده هو اللي صح ... طلع بره يشوف مامته وقال يبص على ادم بالمره ويتطمن عليه وما كانش يعرف ان حور جوه مع ادم بتلعب معاه من غير ما يخبط فتح الباب علي حور وادم كانت حور قاعده تلعب معاه عماله تحضنه وترسم وتخليه يلون قعد يبص عليها ويضحك قد ايه هي قلبها نضيف و بتحب الاطفال هو حتى عمره ما شاف اسما بتكلم ادم ولا بتسلم عليه و تلعب معاه فضل واقف شويه يبص عليهم ويضحك اول ما حور اخدت بالها ... حور : اتفضل يا استاذ فارس انا اسفه ما خدتش بالي انك واقف اتفضل انا كنت قاعده بلعب مع ادم شويه فارس : اه ما انا اخدت بالي كنت قاعد ابص عليكم وشايف ادم مبسوط قوي غريبه ادم مش من النوع اللي بياخذ على الناس على طول كده انا شايف انه حبك قوي .... حور : وانا كمان حبيته قوي ادم عسول وجميل انا اصلا باحب الاطفال جدا ... فارس : وانا كمان بحبهم بس مش باعرف اتعامل معاهم قوي ... حور : ان شاء الله ربنا يد*ك احسن اطفال في الدنيا وتفرح بيهم .... فارس : شكرا ليكي انا وانتي ان شاء الله ... حور : مب**ك الف مب**ك صحيح على الجواز ربنا يتمم لكم بخير ... فارس : هو فين الجواز ده احنا لسه محددناش وبعدين انا لسه براجع نفسي بصراحه كده مش عارف مش عايز اتسرع حور : بس انا اعرف ان حضرتك و استاذه اسما مخطوبين من زمان وبتحبوا بعض من زمان تتسرع ازاي ... فارس بنحب بعض من زمان فعلا بس اسما اتغيرت وانا مش عاوز اندم علي اي قرار و اظلمها معايا الجواز ده عاوزك تفكري ب عقلك اكتر من قلبك .... حور : فعلا عندك حق يا استاذ فارس ... فارس : وانتي بقي عمرك ما حبيتي خالص .... حور : انا مبحبش حد غير اهلي و عيلتي بصراحه كده مش شايفه حد يستاهل اني احبه واتعلق بيه .... فارس : ايه الكلام الكبير ده يا حور هو طبعا مفيش بعد حب الاهل بس دي حاجه و دي حاجه تانيه ميتقارنوش ببعض خالص .... عاليا دخلت عليهم وهما قاعدين يتكلموا و كانت متضايقه جدا وكلام اسما مأثر فيها .... عاليا : فارس عاوزاك و انتي يا حور يا ريت متسيبيش ادم لوحده خالص تحت اي ظرف من الظروف ... حور : حاضر انا اسفه .... وراحت تلعب مع ادم وهي متدايقه من كلام عاليا انها بتكلمها بالطريقه دي ..... عاليا خدت فارس و راحت اوضته .... فارس : في ايه يا ماما مالك متعصبه كده ليه ..... عاليا : انا برضو الي مالي ايه الي موقفك تتكلم مع حور .... فارس : في ايه يا ماما هو كلام المجنونه دي هيلعب في دماغك ولا ايه .... عاليا : لا طبعا بس الوضع ده مينفعش دي جايه تشتغل هنا يعني ملكش علاقه بيها وبعدين هي اسما مالها مشيت زعلانه ليه عملتلها ايه يزعلها .... فارس : اسما الي انتي زعلانه عشانها دي مشيت زعلانه عشان معترضه اني قولتلها اني هعيش هنا معاكي قالتلي انا مش هعيش مع حد انا عاوز استقل بحياتي عاليا : ليه كده دنا عمري ما زعلتها في حاجه ولا اتدخلت في حياتها ... بس ده ميخلكش تمشيها زعلانه اعملها الي هي عوزاه هي حره مش هتبقي مرتاحه هنا اقعد في اي بيت فيه بيوت كتير .... فارس : انا مش هاسيب البيت وامشي عجبها عجبها مش عاجبها هي حره مش عايزه تعيش هنا يبقى هي اللي اختارت ... عاليا : مش عارفه ليه يا فارس حاسه انك بقيت تلكك ل اسما وعايز تسيبها انا مش مرتاحه لك خالص .. فارس : انتي غريبه جدا يا ماما انا باقول لك انا عايز اعيش معاكي هنا ومش هاسيبك تروحي تقولي لي خلاص اعمل لها اللي هي عاوزاه لا هي لو راضيه بيا كده هتحارب عشان تبقى معايا مش هيفرق معاها ان هي عايشه فين وبعدين انا شايف انك عمرك ما اتطفلتي عليها ولا عملت لها حاجه زعلتها قبل كده عاليا : ليه يا ابني انا عاوزه اطمئن عليك انا لو عشت النهارده مش عايشه بكره خليني اتطمن عليك عشان خاطري واعمل لها اللي هي عاوزاه ... فارس : وانا مش هغير رايي عشان خاطرها عاليا : ماشي يا فارس براحتك بس انا مش عاوزه اتكلم معاك في موضوع حور ده تاني عشان بقي بيلفت النظر بطريقه غريبه ... فارس : هو في ايه يا ماما هو انا عيل صغير ولا ايه وبعدين حور دي بنت محترمه جدا مش انتي اللي دايما تقولي لي كده عليها ..... حور كانت معديه بالصدفه وسمعتهم بيتكلموا عليها ووقفت تسمع .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more