في قلوب العاش*ين البارت الخامس والعشرون

2508 Words

في قلوب العاش*ين البارت الخامس والعشرون بقلم / غادة سعيد ... وصلت عالمكان لقت عربية فارس هناك و فارس قاعد فيها مستني .. ركبت جنبه العربية ... خير يا فارس كنت عاوزني في ايه انت قلقتني قوي من الرساله اللي باعتها دي ... في حاجه حصلت ولا ايه .. فارس : ابدا يا حور انا كنت عاوزه اتكلم معاك شويه بس .... حور : اتفضل ... فارس : انا ما كنتش عاوزك تمشي وانتي متضايقه مننا وانتي ما عملتيش فينا حاجه وحشه وماما هانتك ومشتك كمان من عندنا من غير اي ذنب .... حور : بس انا خلاص مش زعلانه يا فارس انا كنت متضايقه شويه بس والموضوع خلص ... فارس : الموضوع بتاع الصور اللي نزلت في الجرنال انا والله ما ليش اي علاقه بيه وخليت الفوتوجرافر يشيلها ... انا اتفاجئت زي زيك بالظبط كل الموضوع انه كان عاوزك في شغل وقال لما تشوفي صورتك هتكلميه وهتعرفي ان في حد عاوزك في شغل ... حور : حصل خير يا استاذ فارس هو الموضوع كان صعب شويه وبابا دخل المستشفى وعمل عمليه لكن الموضوع عدي وخلاص والموضوع انتهى ما تقلقش عليا انا الحمد لله كويسه في حاجه تانيه عاوز تقولها لي ... فارس : بصراحه انا كنت عاوز اشوفك وما كنتش لاقي حاجه اقولها بس انا مش هاعرف اسكت اكتر من كده ... من ساعه ما سبتينا ومشيتي واحنا حياتنا اتقلبت انا ما بقتش عارف اكل ولا انام ولا اشتغل انا مش عارف انتي عملت فيا ايه يا حور انا جايبك هنا حجه عشان هاشوفك واتكلم معاكي حتى انا مش عارف افاتحك ازاي في الموضوع ... حور : موضوع ايه انا مش فاهمه حاجه ... فارس : بصراحه يا حور انا مش عارف انا ازاي هاقول لك الكلام ده ولا عارف اساسا هو حصل ازاي انا كنت بكذب نفسي واقول انه مستحيل لكن فعلا حصل عمري ما حسيت الاحساس ده مع حد و اتاكدت منه لما مشيتي وسبتيني انا بحبك يا حور و مش هاقدر ابعد عنك وشوفي اي حاجه تطلبيها وانا هاعملها لك لو عاوزاني اجي اتقدم لك دلوقتي حالا واروح لباباكي ومامتك انا موافق وما لكيش دعوه باي حاجه ... حور : ايه اللي حضرتك بتقوله ده وبعدين انا مش عاوزه مشاكل مع اهلي مامتك لو عرفت حاجه زي دي هتعمل لي انا مشاكل وانا مش عايزه ابهدل اهلي معايا والله لو مامتك موافقه ابقي بلغني وانا هاقول لك ردي لكن انا مش عاوزه مشاكل يا استاذ فارس انا واحده غلبانه واهلي على قد حالهم واحنا مستحيل نكون لبعض انا مش شبهكم ولا من نفس مستواكم الناس هتقعد تتكلم عليكم وانا ما رضاش لحضرتك الكلام ..... فارس : انا ما ليش دعوه بالناس يا حور انا ليا دعوه بيكي انتي ... انتي يا حور عاوزاني ولا لا انا عاوز رد منك دلوقتي انا بتعذب كل يوم حور : و اسما هتعمل ايه مع اسما ... فارس : انا هتصرف مع اسما يا حور اهم حاجه انتي دلوقتي... انتي عاوزاني ولا لا هاتحاربي معايا الناس والمجتمع ولا ما عندكيش استعداد ردي عليا يا حور اديني رد اخير ... لو مش عاوزاني ومش حباني انا هبعد عنك خالص ومش هخليكي تشوفي وشي تاني بس انا حاسس انك حاسه نفسي احساسي وانا احساسي عمره ما خيبني ردي عليا بعد اذنك ... حور : احساسك صح يا فارس انا من اول ما شوفتك وانا معجبه بيك بس عمري ما كان هيجي لي الجرئه اني اقول لك ... لاني كنت واثقه و متاكده انك عمرك ما هتبص لي واحده زيي كنت بحبك بيني وبين نفسي وكنت حلم بعيد عمري ما كنت اتخيل اني اوصل له لكن مش عارفه ازاي انت جيت قلت لي كده ... انا حاسه اني باحلم وده مش حقيقه هو انت فعلا بتحبني بجد ولا كل ده حلم .... فارس : انتي تتحبي وتستاهلي كمان حد احسن مني بكتير بس انا هاتغير عشانك واقدر اعوضك عن اي حاجه وحشه شوفتيها في حياتك خليكي واثقه فيا يا حور انا عمري ما هاسيبك ... انا هافضل جنبك لاخر لحظه في عمري و مستعد اخسر اي حد عشانك وما تقلقيش ما فيش حد يقدر يجي جنبك ولا يقول لك حاجه طول ما انا معاكي قلتي ايه بقى ... حور مش عارفه اقول لك ايه انا اهم حاجه عندي مامتك تبقى راضيه على علاقتنا عشان نفسيتي ما تبقاش تعبانه وابقى اخدت ابنها منها حاول تفاتح مامتك في الموضوع انا عاوزه اكون مرتاحه و ما احسش اني باعمل حاجه غلط اهم حاجه رضا الام فارس : اوعدك اني هفاتحها في الموضوع ده لكن هي لو موافقتش انا مستحيل اسيبك وما كملش معاكي انا من حقي اختار شريكه حياتي اللي عاوز اكمل معاها العمر كله .... حور : طيب وفريده لو عرفت الموضوع ده اكيد هتزعل مني هي كمان وانا باحب فريده قوي مش عايزها تاخذ مني موقف حاول تقول لها هي كمان ... فارس : بالع** فريده لما تعرف هتفرح جدا دي نفسها انى اسيب اسما لانها ما بتحبهاش ولا بتثق فيها خالص وكتير تقول لي اسيبها لانها مش سهله وبتاعه مشاكل وطول عمرها مش بتحبها انا واثق ان فريده هتفرح جدا لما تعرف علاقتنا ده ... هي اصلا قالت لي انها حاسه اني باحبك ... حور : غريبه بس انا عمري ما حسيت الاحساس ده ولا انت وضحت لي كده انا كنت فاكره اني هافضل احلم كده كتير عمري ما حسيت انك في يوم من الايام هتيجي تصارحني بحبك ... فارس : عشان انا ما باحبش ابين اللي جوايا للناس انا دي شخصيتي اي حاجه حاسس بيها مش بتطلع للناس لكن انتي وقعتني في حبك وبقيت عاوز اشوفك كل يوم ... الايام اللي فاتت دي عدت عليا كانها سنين انا اول مره احس مع حد الاحساس ده حتى اسما اللي عارفها بقى لي كتير عمري ما حسيت اني مش قادر ابعد عنها بالطريقه دي ... حور : انا كده ضميري بيانبني اتجاه اسما برغم اللي هي عملته فيا ده كله لكن هي برده ما تستاهلش كل ده ولما تعرف هتتصدم هنعمل ايه في الموضوع ده بقى .... فارس : سيبي لي الموضوع ده عليا انا اعرف اتصرف مع اسما دي كويس انا اصلا بقى لي فتره مش عاوز اكمل معاها بسبب تصرفاتها ما تشغليش نفسك باي حاجه يا حور اشغلي نفسك بيا وبس و كل المشاكل دي انا هعرف احلها كويس ... فارس راح ماسك ايد حور وباسها و قالها بحبك و مش قادر ابعد عنك تاني اوعي تختفي تاني وتقفلي تليفونك انا مصدقت لقيت رقمك ... حور : انا حاسة اني بحلم و كل ده مش حقيقه ازاي حضرتك تبصلي انا انت شايفني كويس ... فارس : شايفك و مش شايف حد غيرك شايف احلي واحده فالدنيا كلها شايف ملاك قدامي ... حور : طيب ممكن توصلني عشان اتأخرت اوي ونبقي نتكلم فالتليفون لأن اهلي هيقلقوا كده عليا ... فارس : حاضر ... الوقت معاكي بيعدي بسرعه اوي ... راح فارس وصلها و روحت عالبيت كانت طايرة من الفرحه و مش مصدقه ان فارس قالها الكلام ده ... مامتها لاحظت عليها انها مبسوطه بزياده النهارده و سالتها ايه سبب انبساطها ده ... ردت وقالت لها : ابدا يا ماما اليوم في الشغل النهارده كان كويس وربنا كرمنى بفلوس حلوه ... قالت لها مامتها : ربنا يا بنتي يكرمك يا رب وينولك اللي في بالك ويا رب افرح بيكي قريب يا حور مع ابن الحلال اللي يستاهلك انتي طيبه وغلبانه يا بنتي وتستاهلي كل خير وربنا هيعوضك عن كل اللي شوفتيه في حياتك .... حور دخلت تغير هدومها وهي كل تفكيرها في فارس وفارس روح بيته وهو مبسوط انه اخيرا شاف حور كانت وحشاه قوي .... لكن عا** بقى كان مصدوم من رد فعل حور اتجاهه وروح البيت كانت ديما هناك لابسه و متزوقه واول ما وصل البيت طلعت له الهدوم بتاعته قعد يبص لها ويقول لها ايه الحلاوه دي يا ديما ديما : انت اللي عيونك حلوه يا حبيبي .. عا** : بس انت عينك مالها حمرا كده ليه انتي كنتي بتعيطي ... ديما : لا ابدا ما فيش حاجه هي تلاقيها دخلت فيها حاجه بس ... عا** : ما تكذبيش علي يا ديمه انتي شكلك معيطه وفي حاجه مضايقاكي اكيد موضوع حور صح .. ديمه : عمري ما كنت اتخيل اني اتحط في الموقف ده طول عمري باقول لك اتجوز وشوف حياتك ولما الموضوع دخل في الجد لقيت نفسي مش مستحمله انك تكون مع واحده غيري انا مش هاقدر اشوفك مع واحده غيري يا عا** ويوم لما يحصل كده انا هنتحر وبعدين الموضوع شكله مش موضوع خلفه وبس انت حبيت حور لانها فعلا تتحب وبنت جميله وشخصيتها حلوه بس انا مش هاقدر استحمل يا عا** اشوفك مع غيري وقعدت تعيط بهيستريا .... راح عا** حضنها وقال لها : انا اسف والله انا عمري ما هاعمل فيكي كده تاني انا عمري ما حبيت غيرك يا ديمه ولا هحب في حياتي غيرك انا بس كان نفسي اجيب حته عيل وانتي كمان هتكوني امه لكن خلاص انا والله ما عاوز عيال انا عاوزك انتي بس تبقي كويسه انتي حب حياتي اوعى تفتكري اني كان قصدي اني اجرحك انا كنت حاسس ان الموضوع عادي بالنسبه لك وما كانش فارق معاكي اتجوز او لا لكن طالما الموضوع فارق معاكي وعمل فيكي كل ده انا عمري ما هافتح الموضوع ده ثاني خالص وبعدين انا قلت لحور النهارده تعتبرني اخوها وانت اختها ولو احتاجت اي حاجه تكلمنا على طول مش هنتردد اننا نساعدها هي بنت غلبانه وتستاهل كل خير وانا من النهارده باعتبرها اختي الصغيره وبس اوعي في يوم تفتكري اني ممكن ابص لها نظره اعجاب انا ما فيش في قلبي غير واحده وبس هي انتي يا ديمه ديمه : انا تعبانه قوي يا عا** من ساعه اللي حصل ده كنت باحاول ما بينلكش وبدعي ربنا ان حور ما تقبلش لما اقول لها . هي طلعت بنت كويسه قوي وفعلا ما قابلتش بالعرض بتاعنا برغم اني قلت لها ان انا موافقه لكن رفضت رفضت انا البنت دي هتبقى صاحبتي من النهارده عشان ما فيش زيها ناس كتير اليومين دول ربنا يبارك لها ويعينها على الحمل اللي هي شايلاه و يرزقها بابن الحلال اللي يستاهلها ... عا** : يعني خلاص يا دودو مش زعلانه مني خلاص بقى والله ما كان قصدي اني اضايقك انت اغلى حاجه في حياتي والله وعمر ما حد اخد ولا هياخد مكانك خلاص بقى ما تعيطيش ... ديمه : خلاص يا عا** انا مش زعلانه الحمد لله ان ربنا وقعك في حور عشان لو واحده ثانيه كانت وافقت بدون تردد هو في حد يطول ان عا** يبقى عاوز يتجوزوا ده انت كل البنات اللي شغالين معاك يتمنى بس تعرض عليهم العرض ده كويس انها جاءت في حور عا** : فرحانه انتي طبعا ان حور رفضت والله يا ديمه انتي عندي احسن من اي واحده واي عيل انا مش عاوز غيرك بس انا اسف يا حبيبتي وعمري ما هاعمل فيكي كده تاني اتصالحوا ديما وعا** وقعدوا يتعشوا .... اسما كانت قاعده متضايقه لان فارس كان قايل لها انهم هيتقابلوا و ما تقبلوش راحت اتصلت بفارس .. اسما : الو ازيك يا حبيبي عامل ايه دلوقت لسه تعبان ولا خفيت ... فارس : بقيت احسن كتير يا اسما انتي عامله ايه ... اسما : انا كويسه عشان انت كويس انا عاوزه اقابلك يا فارس واتكلم معاك في حاجات كتير .. فارس : وانا كمان يا اسما عاوز اقابلك عشان في موضوع عاوز اتكلم معاكي فيه مايتأجلش .. بكره ان شاء الله ننزل نتقابل ونقعد في كافيه نتكلم انا وانتي مع بعض ... اسما ماشي يا حبيبي هاستنى منك تليفون وبكره الصبح هتكون جاهزه وننزل نتقابل ... قرر فارس انه مش هيفضل ساكت كل ده وانه هيفاتح اسما في الموضوع واخته ومامته ... خرج من الاوضه اول حاجه راح ل فريده لقاها قاعده تلعب هي وادم قال لها انه عاوز يتكلم معاها شويه فريده : تعالي يا حبيبي اتكلم مالك عاوز ايه ... فارس : فريده انا في موضوع عاوز اقوله لك وعاوزك تساعدينى فيه .. اننا نفاتح ماما فيه ازاي ... فريده : موضوع موضوع ايه يا فارس ما تقلقنيش عليك ... فارس : انا باحب حور وعاوز اتجوزها انتي كلامك كان صح يا فريده انا كل ده نفسيتي تعبانه بسبب اني مش عارف ابعد عن حور كل ده ساعديني يا فريده اني ابقى لحور وحور ليا فريده : بصراحه يا فارس الموضوع ده صعب قوي انها تستوعبه لكن انا هاساعدك عارف لي عشان حور بنت كويسه و جدعه وتستاهل كل خير وتتحب كمان انا مقدره انك حبيتها ليه عشان ما فيش في نضافه قلبها ولا بقى في حد زيها اليومين دول هي تتحب فعلا وانا عمري ما هلاقي زي حور ليك بنت نظيفه من جوه ما بقاش زي حد اليومين دول كده ... انا معاك يا فارس ومش هتخلى عنك ولا اسيبك انا معاك قلبا وقالبا عشان حور تستاهل وهي دي فعلا البنت اللي اتمنى انك تتجوزها... طيب انت قلت لها وصارحتها بالموضوع ده ولا لسه فارس لسه قايل لها النهارده وشايفها كانت وحشاني قوي يا فريده كنت هتجنن عليها واشوفها وافقت انها تقابلني وصارحتها ب الموضوع ده وطلع احساسي صح وهي كمان بتحبني بس هي خايفه من رد فعل ماما و رد فعلك وقالت لي انا خايفه فريده تزعل مني لما تعرف هي بتحبك جدا وقالت لي لازم افاتح ماما في الموضوع عشان بدون موافقة ماما فهي مش هتقدر تعمل حاجه من وراها ... فريده : والله البنت دي كويسه قوي وبنت اصول ربنا يحفظها يا رب ... فارس : طيب هنعمل ايه دلوقتي يا فريده في الموضوع ده ... فريده : سيب الموضوع ده عليا احنا الاول بس نصالح بابا وماما على بعض بعد كده هي تتلهي في بابا وانت تتلهي في حور والمواضيع كلها هتبقى سهله ان شاء الله ... فارس : اكتر حاجه بتعجبني فيكي يا فريده دماغك العاليا وانك على طول عندك حل كل مشاكلي عشان كده بطلب منك المساعده انتي وبس ... فريده : انا مش عارفه انت من غيري كنت هتعمل ايه بالظبط ربنا يخليني ليكم كلكم وما تقلقش انا مش هسافر من هنا قبل ما احضر فرحك انت وحور اهم حاجه انت تتكلم مع اللي اسمها اسما دي عشان هي ممكن تعمل لك مشاكل انت وحور البنت دي مش سهله وانا طول عمري ما بحبهاش خلص الموضوع ده معاها عشان ما يحصلش مشاكل ... فارس : انا اصلا هقا**ها بكره و هاتكلم معاها اني مش قادر اكمل انا اصلا يا فريده ما بقتش احبها بقى لي فتره كبيره من قبل ما حور تظهر في حياتي بسبب تصرفاتها وكنت هتجوزها كده جوازه والسلام لكن لما حور ظهرت في حياتي ما بقتش عارف ابعد عنها وبقيت حابب ان حور هي اللي تبقى شريكه حياتي و اكمل معاها بقيت عمري انا لو كنت اتجوزت اسما كنا شهر او اثنين بالكتير وكنا هنتطلق لانها فيها حاجات انا مش عارف اتخطاها و بتتصرف تصرفات انا مش هاقدر عليها بس يا فريده ... حددت معاها بكره ميعاد هاتكلم معاها بكل صراحه واقول لها اني مش قادر اكمل ... فريده : وانت فاكر انها هتسكت لك دي فظيعه ومش بتسيب حقها بسهوله ربنا يستر بقى عليك انت وحور لما تعرف كمان انك هترتبط ب حور ... فارس : هي اصلا مش فارقه معايا تعمل اللي تعمله انا ما بقاش في حد يفرق معايا دلوقتي غير حور عاوزها على طول في حياتي مش قادر استغنى عنها يا فريده اخوكي وقع وما حدش سمي عليه فريده : خلاص يا اخويا خليك انت غرقان في الحب وانا سيبني اخطط لك واشوف ايه اللي هيحصل سيبلي نفسك خالص ... فارس : والله شكلك هتضيعينا ب هبلك ده ... فريدة : ولد اسكت خالص انت دلوقتي روحك في ايدي فارس : طيب يلا اطلعي و خدي الباب في ليدك عشان هكلم حور فالتليفون اتطمن عليها ... اتصل ب حور و لقاها عماله تعيط ... فارس : في ايه يا حور ايه الي حصل !!!!! يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more