في قلوب العاش*ين البارت الرابع والعشرون

1340 Words

في قلوب العاش*ين البارت الربع والعشرون بقلم / غادة سعيد اتصل ادم ب اسما و قالها ... _ ايوة يا اسما عاملة ايه كنتي قيلالي اكلمك لما افوق انا كان نفسيتي تعبانه ومكنتش عارف اكلمك ... = نفسيتك مش تعبانه اكتر مني انا عاوزه اكلمك بقالي كتير و مش عارفه اوصلك خالص انا معرفش انا عملت ايه ل كل ده يا فارس كل ده عشان غيرانه عليك انا فيه كلام كتير اوي عاوزة اقولهولك انت وحشتني اوي بجد فارس : طيب ايه رأيك نتقابل بكرة الصبح نتمشي و نتكلم شوية مع بعض ... آسما : بجد يا فارس اخيرا وافقت اننا نتقابل ... فارس : اه بجد .. هبقي اكلمك بكرة بقي و اقولك هنعمل ايه ونتقابل فين . آسما : ماشي يا حبيبي مستنياك .. قفل فارس وهو كل كلمه بيقولهالها كانت من ورا قلبه و كل تفكيره في حور لكن كلام باباه آثر فيه و خلاص مبقاش ينفع انهم يرجعوا يتكلموا تاني .... حور كانت نايمه علي سريرها و كل تفكيرها في فارس لكن مش قادرة تكلمه تاني عشان ميحصلش مشاكل .. دخلت نامت عشان وراها شغل بدري ... صحيت حور من النوم لبست هدومها ونزلت علي الشغل وأول ما وصلت كانت ديما وعا** مستنينها هناك اول ما شافوها طلبوا منها تروح علي المكتب علشان عايزنها في موضوع حور راحت نهي خايفه ... يا تري عايزني في ايه هيفتحوا موضوع امبارح ولا ايه !!! أول ما وصلت المكتب ديما بصت لها وهي بتضحك ضحكه م**وره وقالت لها ديما : عا** قالي علي الموضوع ال فاتحك فيه إمبارح لو كنتي مش موافقه علشاني وافقي انا نفسي اصلا عا** ياخد الخطوه دي من زمان ... عا** : شوفتي بقي يا حور انا مش بكذب عليكي الموضوع اصلا مش ديما وهي اصلا الل قالتلي اعمل كده أنا قولت اخليكي تتاكدي بنفسك وتقولك الكلام ده بنفسها حور : هو انا ممكن أستاذه ديما اتكلم معاكي علي انفراد عا** اول ما سمع الكلمه دي بص لحول نظرة استغراب وخرج برا المكتب علشان تقعد هي وديما يتكلموا براحتهم حور : انا عارفه انك بتقولي الكلام ده كله من ورا قلبك مفيش ست تستحمل ان جوزها يتجوز عليها انتي بتقولي كده علشان تبقي خلصتي ضميرك من ناحيته بس انا حاسه بيكي وعارفه انك مش هتستحملي ان ده يحصل علشان كده انا عايزاكي تقولي لمستر عا** اني قولتلك اني بحب واحد تاني علشان كده انا رافضه ومش هينفع أوافق علي اني اتجوزه انا لا يمكن أعيش سعيده علي حساب تعاسة واحده غيري ..... وبعدين المشكله دي ممكن تتحل عند دكتور كويس ليه توافقي اهه يتجوز عليكي ومين قالك ان لما يتجوز مش هيتغير معاكي .... الرجاله بتتغير في لحظه علشان كده بقولك قوليله اني بحب واحد تاني ورافضه اني اتجوز غير ال بحبه .... ديما اول ما سمعت كلام حور قعدة تعيط وحضنتها وقالت لها انا مش عارفه اقولك ايه انتي شيلتي من علي قلبي حمل كبير .... حور : متقوليش كده اعتبريني اختك زعلي فكره انا اعرف دكتور كويس جدا هو دكتور غي مكان شعبي وقديم لاكن شاطر جدا روحي له وان شاء الله هتلاقي علاجك عنده وامسحي دموعك علشان ميحسش بحاجه وانا هخرج ولما يدخل قوليله الكلام ال قولته ده واني اتحرجت اقوله اني بحب واحد تاني ... ديما : انا متشكره اوي يا حور علي الل علمتيه معايا محدش زيك دلوقتي لو واحده تاني كانت استغلت اني موافقه وجيت لحد عندك ووافق علي طول من غير ما تفكر لاكن طلعتي انسانه بجد وفهمتي كل الل جويا من اي كلام ..... بعد كده حور حضنتها واستأذن تخرج تكمل شغلها ..... دخل عا** المكتب اول ما شاف حور خارجه .... عا** : ايه حصل يا ديما مع حور اقتنعت.. ديما : بصراحه مش عارفه اقولك ايه هي في حد تاني في حياتها وهي اتحرجت تقولك كده ... عا** : ازاي انا محستش ان في حد في حياتها ولا بتمسك التليفون أثناء الشغل خالص يبقي ازاي يبقي في حد في حياتها حاسس انها بتتهرب ومش حقيقي انها مرتبطه ... ديما : هو ده الكلام الل قالته ليا يا عا** وبلغتني اوصله ليك علشان كده طلبت تقعد معايا لوحدي عا** : طلما دي رغبتها يبقي لازم نحترمها ديما : انا همشي دلوقتي علشان تعبانه وعايزه انام عا** : مالك يا ديما انا حاسس انك زعلانه أو حاجه مضيقاكي ديما : لاء ابدا انا منمتش كويس ومرهقه .... خرجت ديما من المكتب وهي ماشيه بصت علي حور وضحكت لها اكنها بتشكرها علي الموقف الل خرجتها منه وأيه شافت ديما وهي بتضحك لها أيه: انا شايفه يا حور ان علاقه اتطروت اوي مع مستر عا** ومراته حور : ابدا مفيش حاجه هي بس ست لذيذه وانا اتعرفت عليها جوه لاكن مفيش حاجه أيه: طيب يا حبيبتي ربنا يكتر من أحبابك ... بعد كده خرج مستر عا** من المكتب ونده علي حور تعالي انا عايزك حور : حاضر يا مستر ودخلت حور المكتب وهي قلقانه حور : خير ما مستر عا** عا** : هو الكلام ال ديما قالته ليا دلوقتي بجد انتي فعلا في حد في حياتك حور : بصراحه اه بس كنت محرجه اقول لك عا** : ممكن أعرف مين ده حور : واحد حضرتك متعرفوش بس بحبه وهو كمان بيحبني بس لسه ما اخدناش خطوه مع بعض ... عا** : انا محترم قرارك و احترمت حبك للشخص الي انا معرفهوش ده انا افتكرت انك عملتي كده عشان متجرحيش ديما انا اعرفك من فترة قصيرة بس انتي عندك قلب مش عند حد اطيب قلب ممكن الواحد يقا**ه في حياته يا بخت الي بتحبيه بجد ... وبعدين انسي كل الكلام ده و اعتبري ان ليكي اخ و اخت لو احتاجتينا في اي حاجه انا و ديما احنا موجودين في اي وقت يا حور ... حور : شكرا ليك يا مستر عا** انا من ساعه ما عرفت حضرتك و انت واقف جنبي انت اكتر من اخ بصراحه و ربنا يقدرني و اردلك جزء من جمايلك عليا .... خرجت حور برة و هي فرحانه عشان حسن انها عملت حاجه صح تجاه واحده مكنش في ايديها حاجه تعملها . اول ما خرجت لقت رساله جايلها من فارس بيقولها انه عاوز يقا**ها ضروري كانت فرحانه اوي بالرساله دي و وقفت علي جنب تكلمه تشوفه عاوز ايه ... _ الو ايوة يا استاذ فارس لقيت رساله من حضرتك هو فيه حاجه حصلت ولا ايه ... = لا بس انا محتاج اقعد اتكلم معاكي شوية يا حور لو مش هيضايقك يعني ... _ اكيد مش هيضايقني بس ممكن اعرف في ايه ... = لما ابقي اشوفك لما تفضي كلميني هجيلك في اي مكان ... بس انتي اتصلي بيا ... _ حاضر يا استاذ فارس هخلص شغل النهارده و هكلمك نتقابل ... قفلت حور معاه التليفون و هي قلبها بيدق جامد يا ترا عاوزها في ايه يا ترا احساسها صح و مش هيخيبها ... كملت شغل و هي سرحانه مش بتفكر في حد غير فارس و فارس كان قاعد يفكر فيها و نسي خالص ميعاده مع اسما الي قايلهولها من امبارح ... ولقاها بتتصل بيه .. اكيد اسما مش هتنسي ميعاد زي ده .... فتح التليفون و هو عامل نفسه صوته تعبان ... _ الو ... ايوة يا اسما ... = ايه يا فارس انت نسيت ميعادنا ولا ايه انا من الصبح مستنياك ... و لقيتك متصلتش خالص قولت اتصل بيك انا اشوفك مكلمتنيش ليه ... _ لا طبعا منسيتش يا اسما ... انا بس صحيت من النوم لقيت نفسي تعبان شويه قولت نبقي نتقابل بكرة عشان مش هقدر انزل وانا في الحاله دي ... = الف سلامه عليك يا حبيبي زعلتني والله يارتني كنت انا مكانك ... طيب يا حبيبي ارتاح انت و لما تبقي كويس نتقابل بكرة وخلاص اهم حاجه تبقي كويس ... _ ماشي يا اسما هبقي اكلمك بكرة و اقابلك بقي يلا مع السلامه ... قفل مع اسما و حس انه اتسرع لم طلب انه يقا**ها لأنه دلوقتي مبقاس فيه في قلبه غير حور و بس و ميعرفش هو اتسرع بالطريقه دي ليه .... قعد طول اليوم ماسك تليفونه و مستني حور تكلمه عشان ينزل يقا**ها و يتكلم معاها ... حور خلصت شغلها و اتصلت بفارس زي ما قالتله كانت عاوزه تعرف هو عاوز يقولها ايه بالظبط ... _ ايوة يا استاذ فارس انا خلصت شغل هبعتلك العنوان الي تقابلني فيه ... انا رايحه دلوقتي عالمكان دلوقتي .. حور كانت رايحه عالمكان وهي مش عارفه هو عاوزها في ايه وبتقدم رجل وتأخر رجل و اول ما وصلت ... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more