في قلوب العاش*ين

في قلوب العاش*ين البارت السادس والعشرون

في قلوب العاش*ين

البارت السادس والعشرون

بقلم / غادة سعيد

حور : بابا تعبان اوي يا فارس مش عارفه ماله تعب فجأه كده ... مش عارفه اعمل ايه يا فارس والله انا خايفه عليه اوي ربنا يستر ...

فارس : ابعتيلي عنوانك يا حور دلوقتي حالا ...

حور : ليه يا فارس انا مش عاوزه مشاكل ...

فارس والله متخافيش انا هبعتلك دكتور لحد البيت متقلقيش ....

حور : بجد يا فارس انا مش عارفه اشكرك ازاي هبعتلك العنوان دلوقتي ... اتصل فارس بالدكتور بعته عند حور و كشف علي باباها و علقله محلول و طمنها عليه و هو خارج سألته علي الحساب رفض رفض تام و قالها انها تبع استاذ فارس يعني مينفعش اخد منك فلوس .... ومشي .. حور دخلت اوضتها اتصلت ب فارس ...

حور : الدكتور لسه ماشي دلوقتي انت انقذتني مكنتش عارفه هعمل ايه من غيرك يا فارس ربنا يخليك ليا يارب و ميحرمنيش منك ابدا ...

فارس : انا مش مصدق ان انا بسمع الكلام ده منك يا حور حاسس اني اول مرة اسمعه في حياتي مع اني سمعته كتير قبل كده ...

حور : طيب انا هقفل دلوقتي عشان اروح اتطمن علي بابا و هرجع اكلمك تاني ... قفل فارس مع حور لقي اسما عماله تتصل بيه راح رد عليها عشان يخلص من زنها ...

فارس : ايوة يا اسما ...

اسما : ايوة يا حبيبي علي ميعادنا بكرة زي ما اتفقنا ..

فارس : معلش يا اسما سيبيني يومين كده عشان متضايق شوية يومين كمان وهقابلك عشان تعبان شويه ....

اسما : براحتك يا فارس لما تبقي فاضي انا موجوده ...

قفل معاها و هو مش طايق يسمع صوتها ولا يكلمها و كل الي شاغل تفكيره حور و بس كان ماسك تليفونه بيبص في صورها الي اتصورتها في الشركه عنده وعمال يضحك ...

حور كلمته و قالتله انها هتنام عشان وراها بكرة الصبح شغل و دخلت نامت ....

تاني يوم الصبح راحت الشغل و اول حاجه عملتها انها

اتصلت ب ديما

حور : الو مدام ديما معايا

ديما : ايوه مين معايا

حور : انا حور يا مدام ديما كنت عايزه اقابل حضرتك ضروري

ديما : اهلا اهلا يا حور عامله ايه واخبارك ايه ... طبعا طبعا اي وقت نتقابل مفيش اي مشكله عايزه نتقابل أمتي وفين ؟؟؟

حور : يوم اجازتي يا مدام ديما انا كنت عايزه اعرف حضرتك مكان الدكتور ال كنت اتكلمت معاكي عليه يوم ما اتقابلنا في المطعم ....

ديما : بجد يا حور انتي بتفكري فيا لسه والله كتر خيرك دي مجتش من اقرب الناس ليا ...

حور : حضرتك انا حسيت بحبك لمستر عا** ونفسي الحب ده يكمل بالمولود ال هيكمل سعادتكم مع بعض بإذن الله ....

ديما : انا همشي وراكي يا حور في الموضوع ده رغم اني خايفه اجري ورا أمل الخلفه ويطلع وهم واتصدم من جديد ، بس هحاول تاني علشان بجد نفسي ربنا يكرمني بطفل من عا** ويملا عليا حياتي انتي متعرفيش انا عايشه ..قصدي مش عايشه والله بسبب القلق والخوف من يوم ما عا** يسبني علشان يخلف من واحده تانيه غيري

ديما انهارت من العياط في التليفون وصعبت علي حور أكتر من الاول ...

حور : والله ربنا هيكرمك يا مدام ديما وهيكون العلاج علي ايد الدكتور محسن بإذن الله

ديما : انا خايفه يا حور عا** يعرف ولما الموضوع يفشل يتمسك أكتر انه يتجوز واحده تانيه علشان كده همشي في الموضوع بتاع الدكتور والعلاج من غير ما هو يعرف وياريت انتي كمان متقوليش قدامه اني هقابلك ونروح للدكتور مع بعض ....

حور : طبعا حقك تخافي يا مدام ديما وانا من ناحيتي طبعا مش هقول حاجه زي كده وده هيكون سر بيني وبينك تمام ...

ديما : تمام يا حور انا عمري ما هنسي ليكي الجميله دي أبدا وهتفضل في رقبتي طول العمر يا احلي حور قابلتها في حياتي .....

حور : تسلميلي يا مدام ديما حضرتك ده أقل حاجه ممكن أقدمها لحضرتك

ديما : مدام ايه بقي احنا خلاص بقينا اخوات من دلوقتي يا حور انا مش هعتبرك واحده بتشتغل عند عا** لاء انتي اختي بجد كفايه وقفتك معايا يوم ما جيت وقالتلي اتجوزي عا** واني موافقه .... انتي حسيتي بيا واني بمثل إني موافقه واحده غيرك كانت ما صدقت إني جيت بنفسي لحد عندها وبقولها اتحوزي صاخب الشغل انتي طلعتي انسانه بجد مقبلتش زيك قبل كده ...

حور : ديما انا بنت زيك وكان لازم اخس بيكي مش معني انك جيتي وقولتي اتحوزي مستر عا** انك مواقفه انا فهمت ان كله من ورا قلبك حبك لمستر عا** كان باين جدا في عينك ونظرتك ليه وهو بيتكلم وهو خارج من المكتب علشان يسبنا مع بعض...

ديما : شكرا يا حور علي كل حاجه حلوه عملتيها معايا بجد بجد شكرا ... قوليلي بقي هنتقابل أمتي ؟؟

حوراني هتصل بيكي يوم اجازتي وهحجز لكي عند الدكتور محسن وابلغ هنتقابل علي الساعه كام بالظبط .....

ديما : انا في انتظار مكالمتك علي نار بس ادعيلي يا حور ادعيلي ربنا بكرمني ..... انتي نضيفه من جوه ودعوتك هتستجاب بإذن الله

حور : بدعيلك من قلبي والله وان شاء الله ربنا هيكرمك متقلقيش ....

حور يوم الاجازه اتصلت علي دكتور محسن ....

الو عياده الدكتور محسن

السكرتيرة : ايوه يا فندم حضرتك هتحجزي وتيجي علي ميعادك

حور : ايوه عايزه احجز باسم مدام ديما عا** .....

السكرتيرة : تمام يا فندم بس الدكتور انهارده في زحمه ممكن حضرتك تيجي علي الساعه ١٠ بليل علشان يكون الضغط خف شويه علي العياده

حور : تمام مفيش مشكله بس مش عايزين نقعد ننتظر كتير لو سمحتي

السكرتيرة : مفيش تأخير بإذن الله يا فندم في انتظار حضرتك ...

اتصلت حور بي ديما

حور : الو ديما انا حجزت انهارده زي ما اتفقنا ...

ديما : بجد يا حور طب كويس مش قولتي هتخليه يوم اجازتك ليه خليه انهارده .....

حور : انا اتصلت بالعيادة ولقيت في مكان فحجزت وقولت خير البر عاجله...... هنتقابل بعد المطعم بشارعين علشان محدش يشفنا مع بعض علشان مش هتعرفي تروحي المكان لوحدك لأنه مكان شعبي شويه بس الناس هناك كلها طيبه متخفيش والدكاترة هناك شاطرين جدا والله وهتشوفي بنفسك .....

ديما : حاضر يا حور هتصل بيكي تخرجي من المطعم وتقابل ونروح مع بعض أجيلك علي الساعه كام ؟؟؟

حور : هو ميعادنا علي الساعه ١٠ بليل تعالي انتي علي الساعه ٩ علشان نبقي برحتنا متضمنيش الطرق انتي عارفه الزحمه بقت طول الوقت دلوقتي ههههههه .....

ديما : معاكي حق يا حور خلاص هكون عندك الساعه ٩ هتصى عليكي قبلها تخرجي وتستنيني بعد المطعم بشارعين تمام ...

حور : تمام يا ديما يلا سلام دلوقتي علشان محدش يحس اني سايبه الشغل وبتكلم في التليفون مش عايزه اخد جزاء من مستر عا** ...

ديما : هو يقدر يعملها كده انتي خلاص بقيتي اختي ربنا يديم الخير ما بينا يا حور .....

حور : يارب يا ديما .....

الساعه ٩ كانت حور جاهزه وخلصت كل ال وراها اتصلت ديما بيها ردت حور انا جاهزه حاضر وخارجه اهه من المطعم سمعتها أيه وهي بتتلكم وقالت يا تري في ايه وراكي يا حور انا مش مرتحالك خالص والحق بان علي أيه اوي من ناحيه حور

خرجت حور وانتظرت ديما في المكان ال اتفقوا عليه وفعلا جت ديما في الميعاد بالظبط ....

ركت حور جمب ديما وراحوا لدكتور محسن

وصلت حور وديما العياده

حور : السلام عليكم انا اتصلت انهارده وحجزت باسم مدام ديما

السكرتيره : تمام يا فندم في فعلا قدامي حجز باسم مدام ديما ....

اتفضلو وهنده علي حضرتك اول ما يجي عليكم الدور

ديما لحور هو احنا هنتأخر يا حور ولا أيه

حور : لاء ان شاء الله انا معرفها ان نش عايزن نتأخر بس علي الاقل هنستني الل جوه تخرج

ديما : تمام يا حور بس انا مش عارفه مالي خايفه كده ليه احساس غريب مسيطر عليا معرفش ايه كده

حور : يمكن علشان اول مره تعملي حاجه من ورا مستر عا** ...

ديما : فعلا يا حور دي اول مره اكدب علي عا** واقوله اني رايحه عند مامي وانا بكدب وخايفه كمان الموضوع يطلع وهم واني فعلا مش هخلف ولا هيبقي عندي اطفال

حور : ممكن بقي نتفائل شويه كده ونحاول ن*دي علي دي عوامل كتير بتأخر الحمل ويا ستي احنا جينا وهنشوف الدكتور هيقول ايه مش هتخسري حاجه بس يبقي عملتي الل عليكي وان شاء الله انا متفائله بدكتور محسن جدا جدا ...

ديما : يارب يا حور عارفه يا حور لو الموضع ده بجد اتحل انا ممكن اعمل ايه انا ممكن اطير من الفرحه ومش متخيله شكل عا** وانا بقوله اني حامل انا كل يوم بحلم بكده ونفسي اشوف الفرحه في عينه وافرحه بالطفل الل نفسه فيه

ديما : ان شاء الله ربنا هيفرحك وتجيبي احي نونو في الدنيا وانا ابقي خالته طبعا اوي تنسيني ....

ديما : انساكي ايه بس يا حور انا بقول ربنا بيحبني اوي اوي انك ظهرتي في حياتي .... وحضنت حور جامد وقالت لها انا لو ليا احت بنت مكنتش هتبقي جمبي كده ...

السكرتيرة مدام ديما اتفضلي ....

مسكت ديما ايد حور وهي خايفه وبتترعش ودخلت للدكتور محسن

السلام عليكم يا دكتور

اهلا اهلا اتفضلوا مين فيكوا مدام ديما

ديما : انا يا دكتور ديما ...

الدكتور : اهلا بكي يا مدام اتفضلي ايه مشكلت حضرتك

ديما انا متحوزه

انا متجوزه من أربع سنين يا دكتور ومحصلش نصيب في حمل لحد دلوقتي ...

الدكتور : طب اتفضلي معايا نعمل سونار ونشوف في ايه

طلعت ديما علي السرير

الدكتور خير يا مدام الموضوع ان شاء الله بسيط بس هنحتاج شويه تحاليل بسيطه ومع شويه ادويه هيحصل حمل بإذن الله

ديما : حضرتك متأكد يا دكتور ان الموضع بسيط ...

الدكتور : ده شغلي يا مدام انا نش هقول حاجه وانا نش واثق فيها وحضرتك مالك قلقانه ليه اوي كده انتي مش متجوزه من زمان اوي يعني انا في ناس بتيجي عندي بقاله اكتر من ١٥ سنه جواز يعني انتي لسه صغيره متخفيش بس كنت عايز اسأل زوج حضرتك حمل التحاليل والفحوصات الازمه قبل كده ولا لاء

ديما : ايوه عمل كل التحاليل والفحوصات يا دكتور قبل الجواز وكانت كلها سليمه الحمد لله وفي نفس اللحظه عينها دمعت لما افتكرت انه فكر يتجوز واحده تانيه علشان الاطفال

الدكتور : لبه بقي الدموع دي مش بقولك حاجه بسيطه ملهاش لازمه الدموع والزعل لان العامل النفسي مهم جدا في موضوع الحمل انتي كده بتأخري الحمل بطريقه غير مباشره انا عايزه تهدي خالص وتمشي علي شويه الادويه الل هكتبها ليكي دلوقتي وتيجي بعد اسبوع معاكي التحاليل المطلوبه وإن شاء الله خير ما قلقليش ومن هنا لحد ما نبداء العلاج مش عايز اي توتر ولا تفكير في الموضع بتاع الخلفه ده خالص انسيه ولا تحطيه في دماغك خالص وده اول طريق العلاج

ديما : وهي فرحانه من كلام الدكتور محسن الف شكر لحضرتك يا دكتور انت متعرفش كلامك ريحني قد ايه .... انا فعلا الفتره الاخيره دي متوتره واعصابي تعبانه بسبب الموضوع ده

الدكتور : طب يا ريت نسمع الكلام بقي ونبطل تفكير ون*دي وان شاء الله هنسمع خبر يسعدك قريب جدا

انتي لو تعرفي حكايات الناس الل بتعالج هنا هتقولي انك اقل حاجه فيهم عارف المدام الل كانت قبلك دي بقالها عشر سنين وجت انهارده وهي طايره من الفرح لما عملت التحليل وطلعت حامل كان عندها مشاكل كتير بس ربنا كتب لها الشفاء علي ايد العبد لله وجت انهارده وهي نش مصدقه بعد خمس شهور علاج معايا تطلع حامل بتقولي انت لفيت عند دكاتره كتير قبل وقعدة مع مل دكتور اكتر من سنتين بس بعد علاج حضرتك وبعد خمس شهور بس لاني كنت فعلا فقدت الأمل بس حد عرفني علي حضرتك وجيت وقلت انا وحظي بس فعلا طلع حظي حلو اني اتعرفت عليك يادكتور محسن وقالت لو جابت ولد هتسميه علي اسمي كمان مع ان اسمي دقه قديمه هههههه

ضحكت ديما من كلان الدكتور وقالت له شكرا جدا يا دكتور ان شاء الله هكون هنا الاسبوع الجاي معايا التحاليل

حور : شكرا يا دكتور وخرجت هي وديما من العياده

ديما : مش عارفه يا حور انا فرحانه قد ايه ارتحت اوي للدكتور وكلامه وحسيت اني متفائله

حور : بقولك.دكتور محسن معروف هتا من زمان وهو دكتور شاكر جدا جدا وناس كتير حملت علي علاجه هو اي نعم في منطقه شعبيه بس هو والله شاطر اوي ونش عايز يفتح في مكان عالي اوي علشان بيقول انا من الناس دي وهفضل اساعدهم واعيش في وسطهم لحد اخر يوم في عمري

ديما : هو في حد لسه كده يا حور زيك وزي الدكتور والناس الطيبين الل هنا انا بجد فرحانه اوي اني قبلت ناس بالاخلاق دي وانك عرف*ني علي المكان ده فعلا باين ان اهله طيبن وبيحبوا الخير لبعض غير الناس ال اعرفهم خالص كله بيفكر في نفسه وبس وي**ب ايه من ورا معرفته لغيره ولو مفيش مصلحه منه بيبعد ويدور علي حد يفيده ويقول مش هضيع وقت مع حد مش هستفاد منه

عارفه يا حور علشان حد يوافق يجي مع حد مشوار زي ده ممكن لو مش هيطلع بمصلحة عمره ما يضيع وقته معايا ....

حور : نش للدرجه دي يا ديما لسه في ناس فيها خير وحب لبعض مش كل الناس زي بعضنا

ديما : انا فعلة بكتشف عالم من جديد حوليا وانتي ال بتفتحيلي عيني عليه سبحان الله يعني كنت جايه تقولك اتجوزي جوزي وحبيبي وانا بتقطع وبموت من جويا وبقول لو مين هتوافق محدش هيرفض فرصه زي دي مش بتتكرر في الحياه تطلعي انتي نفسك الل فتحي عيني علي الحياه الل بجد واني لازم اتمسك بجوزي وحياتي .....

حور : يلا بقي انة اتأخرت وانتي كمان اتأخرتي ولازم تروحي والصبح تعملي كل التحاليل زي الدكتور ما قال لك اتفقنا ....

ديما : اتفقنا يا اجمل وأحسن حور في الدنيا دي كلها وحضنتها ومشيت .....

يتبع

كتابات ل ghada saeed