في قلوب العاش*ين

في قلوب العاش*ين البارت السادس من الجزء الثاني

فارس راح يشوف فريده عاوزه ايه ..

فارس : خير يا فريده في حاجه ولا ايه ..

فريده : انا عندي لك خبر وحش قوي يا فارس انا كده مش هاقدر احضر خطوبتك انت وحور ..

فارس : ليه كده يا فريده ..

فريده : حازم طلبوه في الشغل ولازم نسافر كمان يومين وما ينفعش نقعد اكثر من كده .. عشان كده هيبقى فيه تاثير على شغله ..

فارس : طيب ما تخليهم يسافروا خليك انت قاعده معانا ما تمشيش وتسبيني ...

فريده : غصب عني والله يا فارس اعمل ايه مش هينفع اسيب حازم لوحده .. هيسافر يقعد من غيري انا وادم ازاي ..

فارس : طيب خليكي حتى شهر او شهرين وبعد كده سافري له .. سيبيني انا اتكلم معه في الموضوع ده هو فين دلوقتي ..

فريده : نزل يقابل واحد صاحبه وهيجي كمان ساعه .. فارس : انا هاتكلم معاه في التليفون احسن يحجز لكم الطياره ولا حاجه .. فارس مسك تليفونه واتكلم مع حازم وقال له : عامل ايه يا حازم باقول لك هو انت لازم تسافر وانت معك ادم وفريده احنا ملحقناش نقعد معهم شويه ..

حازم : يعني ايه يا فارس مش فاهم انت عاوزني اسافر لوحدي وافضل قاعد لوحدي ..

فارس : لا انا مش قصدي كده بس سيبهم على الاقل شهر ولا شهرين يكونوا قعدوا معنا شويه لكن انتم يادوبك ما كملتوش شهر وعاوزين تمشوا على طول كده ..

حازم : ما احنا هنبقى نيجي ثاني كمان سنه ولا حاجه شد حيلك انت بس واخطب وبعد كده هنبقى نيجي على فرحك ..

فارس : طب عشان خاطري سيب فريده وادم شهر وانا هابقى اجيبهم لك بنفسي ...

حازم : لو انت عاوز هم قوي كده ماشي انا استغنى عنهم شهر عشان خاطرك انت بس .. لكن مش اكثر من شهر ..

فارس : ما تقلقش باقول لك هاجيبهم لحد عندك بنفسي .. قفل فارس مع حازم وقال لفريده : كلمته واقتنع و هيسيب كم شهر ..

فريده : بجد يا فارس طب كويس ..

فارس : انا عاوزك تقعدي هنا عشان ماما وعمايلها تقدري تسيطري عليها شويه .. لما حور واهلها يجوا هنا فريده : هم خلاص هيجوا عندنا ويقعدوا ..

فارس : لا انا لسه ما تكلمتش مع حور في الموضوع ده بس هاتكلم معها واكيد هيجوا .. انا احاول اتحايل عليها عشان تيجي ونخلص من الموضوع بتاع ماما ده وما يبقاش لها حجه .. مش هي بتقول ان ده الشرط الوحيد انا هنفذ لها الشرط الوحيد اللي عاوزاه تنفذه .. وعاوزك تقفي جنبي يا فريده ... وهم قاعدين يتكلموا عاليا طلعت وقالت لهم : غريبه يعني قاعدين عمالين تتكلموا من ساعتها هو موضوع حور ده مهم قوي كده ..

فارس : احنا مش بنتكلم على حور فريده هتسافر مع حازم عشان جاء له اتصال من الشغل ومحتاجينه ضروري ..

عاليه : انتي ما لحقتش تقعدي معنا يا فريده ما تمشيش وخليكي قاعده معانا ..

فريده : غصب عني يا ماما والله بس فارس كلم حازم و هيخليني اقعد معكم شهر كمان .. و هو هيسافر ..

عاليه : طيب كويس انا كمان عاوزاكي معي الفتره الجايه عشان نشوف تصرفات اخوكي المجنون ده وتقفي جنبي ومعي .. فريده قعدت تضحك وتقول لها : تصرفات ايه بس يا ماما فارس عاقل وعارف هو بيعمل ايه كويس ..

عاليا : لا انا كنت فاكره زيك كده انه عاقل بس من الواضح انه مش عاقل خالص .. يلا يا اولاد تصبحوا علي خير .. انا هدخل انام بقى احسن ادم قعد النهارده يتشاقي طول اليوم وانا مصدعه جدا ..

فريده : وانتي من اهله يا ماما ..

فارس : وانت من اهله .. فارس قال لي فريده : انا كمان هدخل انام عشان تعبان جدا اليوم النهارده كان طويل جدا .. دخل فارس ينام و ثاني يوم الصبح بدري لبس وقال لفريده : انه نازل يروح عند حور وقال لها كمان ما تقوليش قدام ماما عشان ما تقعدش تتكلم احنا مش عاوزين وجع دماغ .. وهو نازل عاليا قابلته تحت عاليه : على فين كده يا فارس ..

فارس : رايح الشغل ..

عاليا : طب كويس خذني معك بقى في سكتك انا كنت رايحه الشركه انا كمان بقى لي كثير ما رحتش هناك .. فارس : لا مش هينفع اصل انا ها قابل واحد صاحبي قبل الشغل وبعد كده هابقى اروح ..

عاليه : هتقابل واحد صاحبك برده ماشي انا هاعمل نفسي مش واخذه بالي روح وشوف رايح انت فين .. راح فارس على بيت حور وكان ناسي خالص انها قالت له انها هتنزل الشغل النهارده خبط على الباب واختها الصغيره فتحت له سلم عليها وقال لها : هي حور فين ردت عليه وقالت له : نزلت راحت على الشغل ..

مامه حور : فتحت الباب وقالت له اتفضل يا استاذ فارس .. فارس داخل جوه وقاعد على الكنبه و قعد يبص حواليه على البيت البسيط اللي هم عايشين فيه مامت حور : معلش يا ابني البيت مش قد مقامك .. فارس : بالع** انتم بيتكم مريح جدا ياريت اجي اعيش معكم هنا ..

مامت حور : عارفه انك بتقول كده عشان ما تحرجنيش .. حور نزلت راحت الشغل ما رضيتش تقعد النهارده وقالت لازم تنزل الشغل عشان المصاريف .. فارس : هي فعلا قالت لي وانا قلت لها خليك قاعده هي رفضت بس انا نسيت خالص انها النهارده رايحه الشغل .. خلاص انا هاروح اعدي عليها في الشغل ..

مامه حور : ربنا يكرمك يا ابني يا رب .. انت واقف جنبنا من ساعه ما والد حور كان تعبان ربنا يكرمك ويوقف لك ولاد الحلال ..

فارس : ما تقوليش كده حضرتك زي امي بالضبط .. نزل فارس تحت وهو نازل قابل محمد الولد اللي بيحب حور من زمان لكن هي كانت رافضه ..

محمد : هو انت مين بالضبط بقى عشان انا شايفك طالع نازل وحور بتركب معك العربيه ممكن اعرف انت مين بالضبط .. احنا هنا في منطقه شعبيه ما ينفعش اللي انتم عاملينه ده خالص ..

فارس : انا خطيب حور في عندك اي مشكله ..

محمد : خطيب حور ازاي يعني ما حدش هنا يعرف انها اتخطبت هي بتتخطب في يوم وليله .. انت اكيد كذاب .. خطيب حور مين ..

فارس : وانت ما لك اصلا بتتدخل ليه ..

محمد : انا باحب حور من زمان ومتفق معها ان احنا هنتجوز ..

فارس : طيب و متجوزتهاش ليه ادام بتحبها من زمان ..

محمد : بحاول اقنعها بيا لكن هي مش مقتنعه لكن هيجي يوم وتقتنع لو سمحت ابعد عن حور خالص .. عشان انا كده هأذيك ..

فارس : امشي من قدامي وانت اللي ابعد عن حور وما لكش دعوه بها لو فكرت تقرب منها بس مش قادر اقول لك انا هاعمل فيك ايه .. ركب فارس العربيه الفخمه بتاعته ومحمد كان بيبص له وهو متغاظ منه وبيقول في نفسه : اكيد طبعا هي حور هتبص لي وتسيب اللقطه ده طبعا لازم تبص للفلوس .. فارس ركب العربيه وراح علي الشغل بتاع حور عند عا** وصل على الكافيه لقي حور بتقدم الطلبات للزبائن والدموع في عينيها وكانت مش قادره تقف على رجليها ..عا** سلم على فارس وقال له : عامل ايه يا فارس ..

فارس : انت ليه قبلت انها تنزل الشغل ..

عا** : والله رفضت كثير قوي وقلت لها بلاش وقلت لها اني هاديها المرتب بتاعها لقيت اللي هي اللي رفضت وقالت لي لو مش هشتغل مش هاخذ فلوس وانا محتاجه الفلوس .. اعمل ايه طيب يا فارس قل لي .. فارس : انا كمان هارد عليها وهي ما وافقتش .. حور نفسها عزيزه جدا ومستحيل توافق على حاجه زي دي .. هي فعلا محتاجه الشغل والفلوس خلي بالك منها يا عا** اوعي احد يضايقها ..

عا** : دي زي اختي بالضبط يا فارس وفي عيني ما تقلقش عليها خالص ..

فارس : ممكن اقعد اتكلم معها شويه في المكتب .. عا** : ايوه طبعا براحتك ..

فارس مسك حور من ايديها وقال لها : تعالى عشان عاوزك .. دخلوا على المكتب وقال لها : انت ليه بتعملي في نفسك كده يا حور .. مش انا قلت لك اي فلوس عاوزاها انا هاديها لك بنفسي ليه برده **متي انك تشتغلي في المطعم هنا ..

حور : اعمل ايه يا فارس مصاريف اخواتي كثير لازم اشتغل لان ايجار البيت بقى عالي علينا ما ينفعش اقعد اكثر من كده ..

فارس : طيب تعالي اشتغلي معي في الشركه مش انت كنت بتشتغلي معنا زمان ..

حور : لا طبعا موضوع الشركه ده انساه خالص من تفكيرك لاني مش هدخل الشركه دي ثاني انا مش عاوزه احتك باحد من هناك او اسما تشوفني وتقعد تتكلم على زي ما سببتلي احراج المره اللي فاتت ..

فارس : بس اسما ما بتجيش الشغل بقى لها فتره كبيره .

حور : ما هي بتشتغل معاكم وممكن تيجي في يوم من الايام مش عاوزه احس ب قله قيمه انا مش هاجي ال الشركه دي ثاني يا فارس . بعد اذنك سيبني انا كده مرتاحه .. حور رفضت نهائي انها ترجع الشركه بتاعه فارس او انها تسيب الشغل وفارس كان بيحاول يقنعها وبيقول لها انا خائف عليك من عيون الناس مش عاوز اي حد يضايقك يا حور ..

حور : انا ما ليش دعوه باحد ومش باتكلم مع اي احد سيبني معلش يا فارس انا كده مرتاحه انا هاقوم اكمل الشغل .. وهي قايمه تليفونها رن مامتها بتكلمها وعماله تعيط بصوت عالي .. حور افتكرتها بتعيط عشان اللي حصل لباباها ..

حور : مالك يا ماما في ايه ..

مامت حور : الحقيني يا حور تعالى لي دلوقت حالا حور : ليه ايه اللي حصل ..

يتبع