في قلوب العاش*ين

انسحاب وهزيمه

فريده دخلت عليهم وقالت لهم : غريبه يعني ايه الحب اللي نزل عليكم فجاه ده ...

عاليه : تعالي يا فريده انا كنت باشكرها على وقفتها جنبي وانا تعبانه .. بجد انا باحب اسما جدا واتمنى انها تبقى واحده من عيلتنا ..

فريده : طيب يا اسماء شدي حيلك بقى وحاولي تبعدي فارس عن حور وخليكي انتي معه .. لو عرفتي يعني .. فريده كانت قصدها تتريق على اسما بكلامها ما كانتش تعرف انها بدات فعلا تعمل كده ..

اسما : ما تقلقيش خالص يا فريده انا عارفه كويس انا باعمل ايه .. وان شاء الله مش هتعدي السنه دي غير وانا وفارس نبقى في بيت واحد .. وهاعيش معكم هنا ..

فريده : ايه يا اسما ده انتي واثقه في نفسك جدا .. وفارس موافق على الكلام ده ..

اسما : ان شاء الله هيوافق احنا مهما كان يعني حب قديم وما نقدرش نستغنى عن بعض احنا الاثنين .. ولا ايه يا فريده ..

فريده : طبعا يا حبيبتي ربنا يوفقكم وان شاء الله ربنا يفرحكم انتم الاثنين دي حاجه تفرحني لما الاقي اخويا سعيد في حياته ..

فريده كانت مستغربه جدا من طريقه كلام اسما وقد ايه هي واثقه في نفسها ان فارس هيرجع لها وهيتجوزوا السنه دي .. طلعت فريده بره الاوضه بتاعتهم وراحت على فارس لقيته قاعد على سريره والدموع في عينه ..

فريده : ما لك يا فارس في ايه يا حبيبي احكي لي .. فارس : ابدا يا فريده ما فيش حاجه .. متضايق شويه بس ..

فريده : ممكن اعرف ايه اللي اتغير في موضوعك انت وحور .. انا شايفه ان اسما واثقه في نفسها جدا انك حترجع لها في يوم من الايام وهتتجوزوا .. هو انت فعلا ممكن ترجع لاسما ..

فارس : انا مجبر اني اعمل كده غصب عني يا فريده .. مين قال لك اني عاوز ارجع لها ولا طايق ابص في وشها حتى .. بس انا مجبر اعمل كده عشان ماما تعبانه وانا مش عاوز ازعلها ..

فريده : عشان مش عاوز تزعل ماما تضيع مستقبلك وتضيع حب عمرك .. لا يا فارس انا مش معاك في الكلام ده ..

فارس : اسكتي يا فريده انتي ما تعرفيش اي حاجه لو كنتي تعرفي الي احنا بنمر به ما كنتيش هتقولي كده .. فريده : هو في ايه يا فارس انت وبابا شكلكم غريب من ساعه ما ماما خرجت من المستشفى .. وفي حاجه باين انكم مخبيينها عليا .. ممكن اعرف انتم مخبيين عليا ايه ..

فارس : ما فيش حاجه يا فريده ما تشغليش بالك بس خليكي قاعده معانا ما تمشيش عشان ماما تعبانه جدا .. فريده : والله يا فارس لو ما قلت لي انتم مخبيين علي ايه هازعل منك بجد ...

فارس : انا هاحكي لك على كل حاجه يا فريده بس اوعديني اوعي تجيبي سيره لماما .. لان الدكتور محرج عليا انها تزعل .. قعد فارس يحكي لفريده على كل حاجه .. فريده اتصدمت من الكلام اللي هي سمعته وقالت له : انا عاوزه اعرف اسم المرض ده دلوقت حالا عشان اكلم الدكتوره صاحبتي اللي في انجلترا وتعرف لي ايه هو المرض بالضبط .. وتعرف لي العلاج المناسب له ..

فارس : الدكتور قال انه حاليا ما لوش علاج .. لكن في شويه ادويه كده هتمشي عليها ..

فريده : فين الادويه دي يا فارس طمني على ماما انا خايفه عليها جدا ..

فارس : هابقى اكلم الدكتور واعرف منه بالضبط وبعد كده هابقى اقول لك .. سيبيني دلوقتي يا فريده انا نفسيتي تعبانه جدا وخائف على ماما ..

الدكتور قال لي مش هينفع ازعلها خالص عشان اي زعل خطر عليها وعلى صحتها ..

فريده : ازاي ما تقوليش الكلام ده انت وبابا .. ازاي تخبوا علي حاجه زي دي .. بقى كده برده يا فارس .. فارس : خفت عليكي يا فريده انا عارفه كويس انك بتحب ماما قد ايه .. وانك ما تستحمليش حاجه عليها بس لازم تعرفي كل حاجه وتعرفي كويس اني ضحيت بحب عمري وضحيت بكل حاجه عشان خاطر خائف على ماما .. احسن تزعل يحصل لها حاجه .. ساعتها انا هاحمل نفسي الذنب كله .. لو حصل لماما اي حاجه انا لازم ادوس على نفسي وعلى قلبي عشان خاطر ماما .. خلاص كده يا فريده موضوع حور انتهى واتقفل .. انا حتى ما بقتش مدي لها وش ولا بقيت اكلمها .. ولا اتصل بها خالص ولما هي تتصل ساعات ارد واقفل معها بالكلام وساعات ما اردش خالص ..

فريده : طيب هي زنبها ايه فهمها طيب بدل ما تسيبها كده البنت يجرى لها حاجه ..

فارس : ما لوش لزوم الكلام خلاص .. الموضوع انتهى وتقفل .. فريده اول ما سمعت الكلام ده اتصدمت ما كانتش عارفه تزعل على مامتها اللي عندها مرض مزمن يضيع حياتها .. ولا تزعل على حور البنت الغلبانه اللي تعلقت بفارس ما كانتش تعرف اللي مستخبي لها .. ولا تزعل على فارس اللي مصدوم صدمه عمره ودلوقتي مجبر انه يكمل مع واحده هو مش عاوزها وينسى الحب الحقيقي بتاعه .. قررت انها مش هتسكت خالص وهتفضل ورا الموضوع بتاع مامتها ده لحد ما تعرف ايه العلاج وتعرف المرض ده جاء لها منين .. واستغربت جدا ان الدكتور حتى ما اداش فارس اي معلومات عن المرض ولا حتى عارف اسمه .. فارس كان قاعد في الاوضه بتاعته حاسس انه هيجرى له حاجه .. ثاني يوم الصبح اطمن على مامته وقال لها : انا لازم اروح الشغل يا ماما بقى لي اكثر من اسبوع ما رحتش الشركه خالص ولا شفتها ..

عاليه : هي البنت اللي اسمها حور دي لسه بتشتغل معاك يا فارس في الشركه ..

فارس : لا يا ماما الناس هناك قالوا لي انها سابت الشغل خلاص .. اتطمني ومتضايقيش نفسك ..

عاليه : ماشي يا حبيبي ربنا يوفقك يا رب انا كده راضيه عنك .. روح فارس الشركه كان قاعد في المكتب بتاعه وهو باين عليه انه متضايق .. دخل على مكتب حور لقى حاجتها لسه موجوده ما اخذتهاش .. سال الناس اللي في المكتب اللي جنبه هي حور ما بقتش تجي خالص ..

ردوا عليه وقالوا له : لا بقى لها فتره ما بتجيش الشركه هو حضرتك رفدتها من الشغل ولا ايه ..

فارس : لا بس هي شكلها مش هتقدر تكمل في الشغل .. وهم واقفين يتكلموا حور دخلت وقالت بعد اذنك يا استاذ فارس انا جاي عشان اخذ بقيه حاجتي والم الاوراق بتاعتي .. كل اللي في المكتب خرجوا معه معادا فارس ..

فارس : هو انتي سبتي الشغل ليه يا حور .. هو في احد زعلك في حاجه .. حور كانت بتتكلم مع فارس رسمي جدا بسبب انها متضايقه منه لانه ما بقاش مدي لها وش ولا بقى يكلمها خالص ..

حور : لا ابدا كل الموضوع ان رجعت شغلي القديم انا مرتاحه هناك اكثر .. معلش اعذرني انا مش هاقدر اكمل في الشغل هنا ..

فارس : ليه بس كده يا حور في حد زعلك ولا ايه ..

حور : لا طبعا ما فيش احد زعلني يا استاذ فارس بس صدقني حقيقي انا مش مرتاحه هنا .. مدام عاليه عامله ايه يا رب تكون بخير ..

فارس : الحمد لله انا باحاول على قد ما اقدر ما ازعلهاش زي ما الدكتور قال لي عشان خايف على صحتها جدا ...

حور : انا برده لقيت انه وجودي في الشركه ده ممكن يضايقها ... فقلت امشي وما اسببلكش الحرج .. فارس ساكت خالص ما عرفش يتكلم ولا ينطق ولا كلمه ..

حور : ما تقلقش يا استاذ فارس انا عارفه كويس انت عاوز تقول لي ايه .. من غير ما تقول انا لازم اخرج بره حياتك عشان خاطر مامتك .. اكيد مش هابقى اغلى من مامتك يعني مش هينفع نكمل مع بعض ولا هينفع يبقى لنا علاقه ببعض ثاني .. خلاص ربنا يوفقك يا استاذ فارس في حياتك وانا هاخرج من حياتك ومش هتشوفني ثاني وعمري ما هاضايق مدام عاليه ولا هاضايقك .. وهاعرف حجمي كويس .. انا امبارح قعدت افكر كده لقيت نفسي غلطانه بكل المقايس .. ما كانش لازم ادخل العيله بتاعتكم دي ولا اتحدى حد .. انا مش زيكم ولا قد حضراتكم .. انا عباره عن حته شغاله كنت باشتغل عندكم في البيت .. وعمري ما هانسى نفسي .. فارس اول ما سمع الكلام ده قال لها : بس يا حور انت بتقولي ايه ما تقوليش على نفسك كده .. ارجوكي انا من ساعه اللي حصل ده وانا باتقطع من جوايا ومش عارف اعمل ايه ولا عارف اكلمك اقول لك ايه .. وخائف على ماما جدا احسن يحصل لها حاجه من تحت راسي .. انا بحبك يا حور عاوزك تعرفي ان عمري في حياتي ما احب احد زيك .. سواء كملنا مع بعض او ما كملناش انا ما بحبش غيرك انت بس ..

حور : الكلام بتاع حضرتك ده ما لوش اي لزوم دلوقت انا خلاص كنت صفحه قديمه واتحرقت من حياتك .. انسى يا استاذ فارس وهتقدر تنسى ده انت الف واحده شبهك تتمناك .. بعد اذنك عشان الم الحاجه بتاعتي .. حور كانت جايبه صندوق خشب صغير تلم فيه الاوراق والاقلام بتاعتها اللي كانت بتشتغل بيها .. وهي بتلم الحاجه كانت دموعها نازله على خدها .. فارس كان بيراقبها من بعيد ومش عارف يعمل اي حاجه .. مقدرش يقول لها لا ما تمشيش خائف احسن حاجه تحصل لمامته .. بدات تلم الحاجه بتاعتها ووضبت المكتب قبل ما تمشي وهي ماشيه قالت له : اشوفك بخير يا استاذ فارس .. بص لها وراح قائل لها : متمشيش يا حور خليكي معي شويه ..

حور : ما لوش لزوم الكلام ده يا استاذ فارس .. خلاص احنا موضوعنا انتهى .. فارس كان ماسك الباب بإيده وراح ماسك ايديها وقال لها : باقول لك ما تمشيش انا محتاجك جنبي ومش عاوزك تمشي دلوقتي .. في الوقت ده الباب اتفتح بقوه ودخلت اسما وراحت بصت لحور من فوق لتحت وقالت ل فارس : هي دي بتعمل ايه هنا هو انت مش لسه قائل لطنط عاليه انها مشيت من الشغل ..

حور : كنت بلم حاجتي يا استاذه اسما خلاص انا مش هاجي هنا ثاني ولا هتشوفوني في المكان ده ثاني .. اسما : احسن برده ويا ريت ما تنسيش حاجه عشان ما تتحججيش وترجعي ثاني تقولي لنا انا نسيت حاجه وجايه عشان اخذها ..

حور : لا والله انا ما نسيتش اي حاجه ده هما مجرد شويه اوراق و اقلام قلت اخذها عشان ما اعمل لكوش كركبه في الشركه .. وخلاص انا مش هاجي ثاني ..

اسما : صح كده انتي صح يا ريت ما نشوفش وشك ثاني هنا بقى يلا مع السلامه وراحت فاتحه لها المكتب ..

فارس : انتي ازاي تتكلمي مع حور بالطريقه دي يا اسما اعرفي حدودك كويس وما تتعديش على اي حد يخصني ..

اسما : مين دي اللي تخصك يا فارس .. انا اللي اخصك مش هي .. انت نسيت هي كانت بتشتغل ايه ..

حور : اظن انا ما غلطتش فيك عشان تكلمي معي بالطريقه دي وتقولي عليا كده .. وبعدين انا ما نسيتش حاجه ولا نسيت انا كنت باشتغل ايه لان الشغل مش عيب ... العيب انك تقللي من احد محترم لكن انا مش هالوم عليكي لان انتي اهل العيب اصلا ..

اسما : انتي ازاي تتكلمي معي بالطريقه دي حثاله .. انا هاوريكي انا هاعمل فيكي ايه .. مشيت حور وراحت واخذه حاجتها و اسما كانت بتشتمها وهي ماشيه .. فارس كتم صوت اسما وقال لها : باقول لك اخرسي بقى اسكتي شويه .. حرام عليكي انت مش شايفه اللي احنا فيه بس .. كل شويه وما تقعديش تتكلمي كلام ما لوش لازمه .. انا مش عاوز اسمع صوتك يا اسما كفايه اللي انا فيه مش هالاقيها منك ولا من مرض ماما حرام عليكي سيبيني في حالي شويه ..

اسما : دي جزاتي يا فارس اني جايه عشان اواسيك في الشغل .. عشان عارفه انك ماشي وانت متضايق جدا على مامتك .. انا غلطانه وبعدين طنط عاليه لو عرفت انها جاءت الشركه ثاني والله لا هتزعل جدا وانت عارف الزعل هيعمل فيها ايه ..

فارس : طيب يا ريت ما تروحيش انت بقى تقولي لها انها كانت في الشركه اهي جاءت واخذت حاجتها كلها ومش هتيجي ثاني ولا هنشوفها .. يا ريت تسكتي شويه وما تدخليش انتي بالشر بتاعك ده وتدمري كل اللي انا باعمله .. انا باحاول اساعد ماما على قد ما اقدر انها ما تبقاش متضايقه ولا زعلانه ... يا ريت انتي تساعديني كمان ..

اسما : انا عارفه ايه اللي هيبسط طنطا عاليه ويخليها مبسوطه ...

فارس : ايه بقى قولي لي ..

اسما : طنط عاليه كانت لسه بتتكلم معي وقالت لي عارفه انا نفسي في ايه يا اسما .. رديت عليها وقلت لها : قولي يا طنط عاليه وانا هاعمل لك كل اللي انت نفسك فيه .. لقيتها بتقول لي انا نفسي ..