في قلوب العاش*ين

ظهور الحقيقه

اسما كانت بتتكلم مع فارس وبتقول له : انا عارفه طنط عاليه نفسها في ايه .. امبارح كنا قاعدين نتكلم ولقيتها عماله تعيط وتقول لي : انتي عارفه يا اسماء انا نفسي في ايه انا حاسه اني هاموت قريب جدا انا نفسي قبل ما اموت اشوفك انتي وفارس متجوزين .. واشوف ابني وهو عريس واشيل عياله ...

فارس : ماما قالت لك كده يا اسما .. هي حاسه بنفسها انها تعبانه ولا ايه .. اوعي تكوني قلت لها حاجه ولا جبت لها سيره المرض بتاعها ..

اسما : والله يا فارس ما قلت لها اي حاجه خالص على موضوع المرض بتاعها ده .. وعمري ما هاقول لها كده طبعا .. انا بس قلت اقول لك على الموضوع اللي هي قالته لي ده هي قالتي كده بالحرف الواحد ..

فارس : ماشي يا اسما تقدري تاخذي المكتب ده من النهارده وترجعي مكانك ثاني في الشركه خلاص .. حور مشيت ومش هترجع ثاني ..

اسما : انا كنت زعلانه جدا منك لما خلتني اسيب المكتب وجبتها مكاني ما كنتش اعرف انها غاليه عندك قوي كده عشان تخليها تاخذ مكاني في كل حاجه في المكتب .. وفيك انت كمان

فارس : خلاص بقى يا اسما لو سمحت ما تفتحيش الموضوع ده ثاني هو موضوع قديم وعدى وخلاص .. يا ريت ما تفتحيهوش معايا ثاني ..

اسما : ماشي يا فارس على العموم خلاص انا مش زعلانه منك لانك كنت مخدوع وهي كانت معيشاك انها بتحبك وانها بنت غلبانه .. لكن البنت دي مش سهله خالص انت اول مره يتضحك عليك بالطريقه دي .. فارس : ما قلت لك خلاص بقى يا اسما يا ريت ما تفتحيش معايا السيره دي ثاني خالص .. عشان انا ما باحبش اتكلم فيها .. روح فارس على مكتبه وكان قاعد وهو مش طايق نفسه ولا عاوز يتكلم مع حد خالص لانه عمل كل اللي بيعمله ده غصب عنه .. ما كانش عاوز الامور توصل كده بينه وبين حور لانها ما عملتلوش اي حاجه ولا زعلته في حاجه عشان يتعامل معها بالطريقه دي .. بس خلاص ما فيش حاجه في ايده انه يعملها وهو هيعيش اليومين دول عشان يخلي مامته مبسوطه وما تزعلش من اي حاجه خالص .. وهو قاعد يكمل الشغل بتاعه تليفونه رن فريده اخته كانت بتتصل به .. رد عليها فارس : ايوه يا فريده خير في حاجه ولا ايه ماما كويسه ..

فريده : اطمن يا فارس ماما كويسه خالص ما فيش اي حاجه .. انا بس كنت عاوزه منك رقم الدكتور اللي ماما متابعه معاه .. عشان عاوزه اتكلم معه شويه ..

فارس : ماشي يا فريده اقفلي دلوقتي وهابعث لك رقم الدكتور في رساله على الواتس .. قفلت فريده مع فارس وكانت مستنيه الرساله اللي تتبعث لانها كانت قلقانه على مامتها .. وفي نفس الوقت حاسه ان في حاجه بتحصل هي ما تعرفهاش وعاوزه تتاكد منها .. كانت حاسه ان مامتها واسما مخططين لحاجه مع بعض .. ومخبيين عليها . لقيت رقم الدكتور وراحت متصله بيه في الحال ..

اسما : مساء الخير دكتور طارق معي ..

دكتور طارق : ايوه مين معي ..

اسما : انا بنت مدام عاليه اللي كانت عندك .. الدكتور ساعتها عرف انه كده هيوقع نفسه في مشكله كبيره ومش هيسلم من الكلام مع اهل عاليا ..

دكتور طارق : اامري حضرتك خير ..

اسما : انا عاوزه اعرف تفاصيل المرض بتاع ماما عشان اسال دكتوره زميلتي في انجلترا واعرف كمان العلاج اللي حضرتك بتديه لها بتاع ايه بالضبط ..

دكتور طارق : الحقيقه اني مشغول دلوقتي خالص وعندي حاله مستعجله ومش هاقدر اتكلم في الموضوع ده دلوقتي .. بعد اذنك ارجعي اتصلي بي كمان يوم لان النهارده اليوم بتاعي مشغول وعندي عمليات كثيرة .. اسما : ماشي يا دكتور شكرا لحضرتك .. قفلت اسما مع الدكتور وهي مش مرتاحه لطريقه كلام الدكتور خالص وحاسه ان في حاجه هو مخبيها في الحاله ..والدكتور اتصل بمدام عاليه .

عاليه : اهلا اهلا يا دكتور اؤمرني ..

دكتور طارق : ايوة يا مدام عاليه انا دكتور محترم ولي سمعتي .. انتي كده حطيتيني في موقف وحش جدا .. عاليه : حطيتك في موقف وحش ليه بس يا دكتور هو في احد مضايقك ولا ايه ..

دكتور طارق : بنت حضرتك اتصلت بيا عشان تستفسر عن المرض بتاعك .. وعماله تقول لي : ابعث لها التفاصيل عشان تبعثوا لدكتوره ثانيه صاحبتها وانا دلوقتي مش عارف اعمل ايه .. خايف ابعث لها اي حاجه وهطلع كذاب في الاخر .. وهتبقى مشكله كبيره جدا ليا .. حاولي حضرتك تتصرفي مع موضوع بنتك ده عشان انا مش هينفع افضل حاطط نفسي في الموقف ده .. لو كده حضرتك عايزه تاخذي فلوسك اللي انت اديتها لي انا مش محتاجها اصلا .. خذيها بس تطلعيني من الموضوع ده خالص ..

عاليا : يا دكتور طارق ارجوك انا هاتصرف في موضوع اسما ده .. بس ارجوك خليك واقف معي للنهايه .. عشان انا مش هينفع اطلع كذابه في الاخر ..

دكتور طارق : انا مع حضرتك وكل اللي انت عاوزاه انا هانفذه لك .. بس ما تحطنيش في موقف وحش وتخلي احد يتصل بي خالص ..

عاليا : انا هاخلص الموضوع مع فريده واحكي لها كل حاجه بصراحه .. وهي ساعتها مش هتقدر تكلمك ولا تتصل بيك ثاني ..

دكتور طارق : ماشي يا مدام عاليه تقدري تحلي مشاكلك بنفسك .. اهم حاجه انا اسمي ما يجيش في الموضوع خالص .. قفلت عاليا مع دكتور طارق و قعدت تفكر تروح تقول ايه لفريده هي في نفس الوقت مش عاوزه تطلع كذابه قدام بنتها ومش عاوزه فارس ي يكمل معه حور .. حتى لو ده هيخليها تكذب عليه .. طلعت عاليه وقررت انها تصارح فريده بكل حاجه لان فريده مش هتسكت ولا يهدى لها بال غير لما تعرف كل حاجه .. وهتفضل ماشيه ورا الموضوع لحد ما تكشفه .. وساعتها ممكن تروح تقول لي فارس على كل حاجه .. راحت ومثلت عليها انها مش هتقدر تخلي فارس يتجوز حور .. وممكن يجرى لها حاجه عشان كذا هي قررت انها تمثل التمثيليه دي عليه راحت .. عند فريده الاوضه بتاعتها ..

عاليه : عامله ايه يا فريده .. انا كنت جايه عشان عاوزه اتكلم معك شويه في موضوع كده ..

فريده : خير يا ماما طمئنيني الاول عليكي انت عامله ايه دلوقت لسه تعبانه او حاسه باي تعب .

عاليه : لا يا فريده انا عاوزه اتكلم معاكي في موضوع ثاني خالص بخصوص المرض بتاعي ده . بصراحه كده يا فريده ده فيلم انا عاملاه على فارس .. عشان ما يتجوزش اللي اسمها حور دي ..

فريده : والله انا كنت حاسه انك عامله فيلم انتي واللي اسمها اسما دي .. عشان تجوزيه لاسما ويبعد عن حور خالص .. ليه كده يا ماما انتي عارفه فارس بيحب حور قد ايه .. ليه بتعملي كده معاه ..

عاليه : انتي عاوزه الناس تاكل وشنا ويروح يتجوز شغاله .. الناس تقول ايه علينا .. انتي من عيلتنا وعارفه الكلام كويس اللي بيتقال .. لو بتحبيني بجد ساعديني في انه يبعد عن حور ..

فريده : ومين قال لك بقى ان اسما دي واحده كويسه قوي انه يتجوزها .. لا يا ماما انا شايفه حور احسن من اسماء 100 مره .. على الاقل بتحبه .. اسما دي واحده خاينه وعمري ما هآمن لاخويا معاها .. وفارس لو عرف حاجه زي دي مش هيعرفك ثاني وهيقاطعك ..

عاليا : ومين بقى اللي هيقول له انها تمثيليه .. لو انتي يا فريده فكرتي تقولي لاخوكي اي حاجه من اللي انا عاملاها دي .. ولا انتي بنتي ولا انا اعرفك ..

فريده : يعني انتي عاوزه تشوفي ابنك خايف عليكي ومقهور .. وكل يوم بيموت 100 مره من ساعه ما عرف موضوع المرض بتاعك ومش عاوزه تقولي له الحقيقه .. لا يا ماما انا مش معك في الي بتعمليه ده وهما قاعدين يتكلموا اسما دخلت ..