في قلوب العاش*ين البارت السادس

1533 Words

في قلوب العاش*ين البارت السادس بقلم / غادة سعيد فجاه الباب خبط ودخلت آسما .... _ حمد لله على سلامتك يا حور انا شايفه انك بقيتي كويسه مش انتي بقيتي كويسه فعلا .... فارس : انتي ايه اللي جابك يا اسما وعرفتي عنوان المستشفى منين اصلا ... اسما : كلمت طنطا عاليا و اخدت منها العنوان انت ما كنتش عايزني اجي ولا ايه انا جاية عشان اتطمن على حور واخدها واروحها .... فارس : حد طلب منك انك تاخديها وتروحي ... انا الي هاخدها واروحها احنا مروحين على البيت انتي رايحه فين بقى .... اسماء : ما انا جايه معاك البيت عشان اشوف فريده واسلم عليها و اتطمن على ادم يعني انا كده كده جايه معاكم .... وجايه كمان من غير عربيتي ركبت تا**ي عشان اركب معاكم .... فارس خد اسما من ايديها وخرجوا بره ... فارس : هو ايه اللي انتي بتعمليه ده انتي مش هتبطلي اسلوبك ده انا زهقت منك جاية ورايا ليه انتي شكلك اتجننتي على الاخر .... اسما : اتجننت عشان غيرانة عليك يعني ايه تفضل قاعد معاها في المستشفى لوحدكم وتاخدها كمان وتروح لوحدها في العربيه معاك انا مش هقبل الكلام ده انه يحصل .... فارس : على فكره انا في كلام كتير عاوز اقولهولك بس مش دلوقتي عشان احنا في مستشفى لو ما كناش في الظرف ده كنت كلمتك باسلوب غير ده خالص وعملت معاكي حاجات تزعلك عشان انتي اتجننتي على الاخر يلا لو سمحتي روحي على بيتك احنا هنروح تعبانين و عاوزين ننام وبعدين الوقت متاخر جدا وزمان فريده وادم نايمين هتيجي تقعدي لوحدك فى البيت اسما : اه عادي اقعد لوحدي في البيت انا مش غريبه ده بيت عمي يعني يعتبر بيتي .... فارس : انا في حياتي ما شوفتش كده انتي ايه يا شيخه ما عندكيش دم انا مشاعري اتغيرت من ناحيتك خالص ما بقتش زي زمان بسبب تصرفاتك اللي تخنق انا هامشي وهاخد حور وابقي تعالي البيت بقى بتا**ي زي ما جيتي المستشفى ... اسما : ايه اللي انت بتقوله ده يا فارس هتسبني في في الشارع في وقت زي ده ... فارس : ايوه هاسيبك ما حدش قال لك تيجي ورايا شوفي بقى تا**ي تركبيه وشوفي انتي عايزه تروحي فين لكن انا مش هاخدك معايا ..... طلعت حور وهي واخذه شنطتها وماشيه بتطوح من هنا لهنا ودايخه و بتقول لهم ... _ انا جاهزه يلا بينا عشان نمشي انا ما بحبش قاعده المستشفيات .... مسك فارس منها الشنطه وقال لها ... =يلا يا حور انا وانتي نروح البيت واسما تروح بيتها ... حور : ليه مش هي كانت جايه معانا هتروح بيتها ليه .. فارس : كده عشان الوقت متاخر ولازم تروح بيتها عشان اهلها ما يقلقوش عليها ... اسما : لا انا جايه معاكم في البيت زي ما قلت لك ومش هاروح بيتنا ... فارس : لا هتروحي بيتكم ما فيش حد هيجي معانا لما تبقى تاخدي معاد الاول وتقولي لفريده انك جايلها تبقي تيجي ... يلا يا حور ... اخد حور ركبها العربيه وحط الشنط في الكنبه اللي ورا واسما كانت واقفه في الشارع مش عارفه تعمل ايه مافيش مواصلات دلوقتي وكانت في حاله زهول من تصرفات فارس .... حور : احنا ازاي هنسيبها واقفه في الشارع كده لوحدها ممكن يحصل اي حاجه او حد يضايقها خليها تيجي معانا .... فارس : لا مش هتيجي معانا عشان هي ما قالتش ان هي جايه من الاول خليها واقفه وزي ما جت تروح حور : بس انا صعبان عليا وقفتها دي خلاص انا هانزل اقف معاها مش هيجي لي قلب امشي وهي واقفه كده لوحدها نزلني يا استاذ فارس ... فارس : حور انتي تعبانه ومش فايقه للكلام ده خلينا نروح وسيبك منها هي هتعرف تتصرف وزي ما جات هنا توقف تا**ي وتروح على بيتها ... حور : لا طبعا مش هاسيبها هنا خلاص حضرتك روح انت وانا هاقف معاها لحد ما نلاقي حاجه نركبها وانا وهي .... راحت حور فتحت باب العربيه ونزلت ونادت عليها .. اسما : خير في حاجه ... حور : انا مش هينفع امشي واسيبك واقفه الوقفه دي لوحدك .... اسما : غريبه يعني ما انتي كنتي مروحه عايزه تقفي في الشارع وانتي تعبانه ... على فكره انا ما بيجيش معايا التمثيل ده ولو فاكره انك بتصرفاتك دي هتقدري تلفتي نظر فارس تبقي غلطانه لان فارس عمره ما هيبص لواحده زيك .... حور : الله يسامحك انا كنت خايفه عليكي من الواقفه في الشارع لوحدك خايفه احسن حد يضايقك ومكنش قصدي ازعلك بكلامي لكن انتي فهمتيني غلط اتفضلي حضرتك اركبي جنب استاذ فارس وانا هاركب ورا معاكم في العربيه ... بصت لها اسما من فوق ل تحت وراحت تركب جنب فارس بكل جرأه وحور فتحت العربيه وركبت فالكنبه الي ورا .. فارس : انتي تاني جيتي ليه ... حور : انا اللي قلت لها تيجي تركب معانا يا اما انا مش هاركب وانت شايف ان انا تعبانه مش هينفع نسيبها لوحدها في الشارع .... اسما : على فكره انا زعلانه منك جدا يا فارس ما كنتش مستنيه منك المعامله دي اخرتها تعاملني انا كده قدام الناس الغريبه .... بصتلها حور باستغراب بعد اللي عملته معاها بتتكلم معاها بالطريقه دي وقالت لها.... _ انا اسفه يا استاذة اسما لو كنت عملت بينكم مشكله انا ما كانش قصدي اعمل اي مشاكل بس استاذ فارس شكله عصبي قوي اسما : وانتي ايه اللي يعرفك استاذ فارس عصبي ولا مش عصبي انتي تعرفيه منين اصلا فارس ده انا اعرفه اكتر من نفسي وما فيش في طيبة قلبه حد يا ريت ما تدخليش في حاجات ما لكيش فيها وتلزمي حدودك معاه ومعايا في الكلام .... فارس : ايه اللي انتي بتقوليه ده يا اسما يعني بعد ما نزلت من العربيه وخليتك تيجي تركبي تتكلمي معاها بالاسلوب ده والله يا حور انتي غلطانه انك رجعت لها تاني ... حور فضلت ساكته طول السكه ومنطقتش بكلمه .... وصلوا على البيت ... والبيت كله كان نايم ... فارس اول ما دخل طلع على اوضته وقفل على نفسه الباب وحور واسما كانوا واقفين مع بعض ... حور قالت لها : انا اسفه انا لازم اروح انام شويه انا تعبانه جدا وسابتها وراحت الاوضه بتاعتها اللي في الجنينه .. واسما فضلت قاعده لوحدها ما بقتش عارفه تعمل ايه كل الناس نايمه وبقت تقول ان فارس فعلا عنده حق انا ما كانش ينفع اجي معاهم بس برده ما كانش ينفع اسيبه لوحده وهو وحور مع بعض في العربيه .... طلعتله فوق الاوضه وخبطت عليه ودخلت ... فارس : خير يا اسما في ايه انا هانام انا تعبان وما نمتش من امبارح ... اسما : هتنام وتسيبني قاعده لوحدي ازاي يعني فارس ... فارس : والله انا قلتلك ما تجيش معايا احنا نايمين انتي اللي **متي شوفي بقى هتعملي ايه ... اسما : انا عاوزه اتكلم معاك شويه انت لسه زعلان مني انا تعبانه قوي من ساعه ما بقيت بتعاملني وحش انا ما استاهلش منك كلمه وحشه يا فارس انت عارف انا باحبك قد ايه ما ينفعش تعاملني بالطريقه دي اللي بينا مش قليل... فارس : انتي السبب في كل اللي بيحصل ده انتي من الاول لو احترمتي كلامي وبطلتي اسلوبك ده ما كانش كل ده هيحصل انتي اللي بعدتيني عنك .... كل ما اروح في حته الاقيكي طالعالي وصلت انك تيجيلي المستشفى عشان ما اروحش انا وحور البيت لوحدنا انتي اتجننتي ولا ايه ... اسما : لا متجننتش .. كل ده عشان انا بغير عليك وبعدين انا عارفه انك عمرك ما هتبص لحته شغاله بس دي غيره مش اكتر وبعدين انا مش مرتاحه للبنت دي من ساعه ما جت و هي عايشه في دور الطيبه الغلبانه وبتعمل كل حاجه عشان كلكم تحبوها الاسلوب بتاع الشغالين ده انا عارفاه عشان مر عليا حاجات من دي كثير ... فارس : عيب عليكي تتكلمي على واحده كده في ضهرها انتي ما تعرفيش هي قالت ايه عليكي من وراكي دي ما رضيتش ابدا اننا نروح من غيرك ونزلت و جابتك .... اسما : ما هي بتعمل كده عشان تبان انها كويسه قدامك وان ما فيش زيها ... فارس : انتي واحده مريضه نفسيا اصلا عشان كده بتقولي كل ده ... اسما مسكت ايده وقالت له عايزين ننسى كل اللي حصل ده يا فارس انا باحبك ونفسي نحدد الفرح بس انا ما اعرفش ليه كل ما نيجي نحدد الفرح يحصل مشكله و يتلغي عاوزين المره دي بجد كفاية لحد كده عشان انا خلاص زهقت وتعبت من المشاكل اللي كل شويه تحصل نفسي نتلم انا وانت في بيت واحد وما فيش حاجه تبعدنا عن بعض ابدا .... انت حاسس باللي انا حساه ولا لا ... فارس : هنبقى نتكلم في الموضوع ده بعدين يا اسما عشان انا تعبان دلوقتي ممكن تسيبيني ارتاح ... اسما : لا مش هاسيبك ولا هخرج من هنا غير لما تقول لي ماشي واننا نحدد الفرح خلاص عشان انا باحبك ونفسي افضل معاك طول العمر انا مش هستحمل انك تبعد عني او تتغير من ناحيتي فاكر زمان انت اتغيرت قوي يا فارس بقى لك فتره مش عارفه ليه ما بقتش حببني زي الاول زمان كنت بحس انك ملهوف عليا كل ما تشوفني ... وانك بتحب تشوفني دلوقتي الوضع اتغير تماما ... ساب فارس ايديها وقال لها : كل ده من كتر عمايلك شوفي اللي انتي بتعمليه حاولي تغيري من نفسك وانا هارجع تاني زي الاول واحسن اسما : خلاص يا حبيبي ممكن نقفل الصفحه دي واوعدك ان كل ده هيتغير و اعمل كل اللي تقول لي عليه كفايه بقى بالله عليك عشان انا هامشي دلوقتي ومش عايزه امشي زعلانه ... فارس : خلاص يا اسما انا مش زعلان خلاص انسي كل اللي فات ونبدا من اول وجديد راحت حضناه وفجاه الباب خبط و اتفتح .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more