في قلوب العاش*ين البارت الخامس

2233 Words

في قلوب العاش*ين البارت الخامس بقلم / غادة سعيد لقوا فريده وحازم وفارس قاعدين بره وفريده عماله تعيط بانهيار وتقول يا رب نجيه يا رب ده ابني الوحيد ..... عاليه : طمنوني ايه اللي حصل وادم فين دلوقتي .... حازم : دخل جوه بيعملوا له اشعه مقطعيه على المخ عشان شاكين ان عنده ارتجاج وكمان خيطوله دماغه عشان اتفتحت من جوه مكان الواقعه .... ادعوله ربنا ينجيه ..... قعده حور جنب فريده تطبطب عليها و تواسيها وتقول لها ما تقلقيش ان شاء الله خير وهيبقى كويس واحسن من الاول بكتير ..... خرج الدكتور وقال : يا جماعه عايزين نقل دم بسرعه فصيله AB موجب هي فصيله نادره بس لازم نلاقيها في اسرع وقت ..... حور : دي نفس فصيلتي انا اللي هاتبرع بالدم ..... الدكتور طلب منها انها تدخل الاوضه و يتأكد انها نفس الفصيله دي ... وبالفعل سحب منها عينه و اتاكد ان هي نفس الفصيله واخذ منها دم كتير لدرجه انها اغمي عليها وقعت ..... ونقلوها على الطوارئ هي كمان وحطو لها محاليل .... نقلوا لادم الدم وابتدي يفوق ويستوعب اللي حواليه .. والدكتور طمنهم ان بعد ما اتنقل الدم بقى احسن بكتير لانه نزف كتير مكان الواقعه بدأ انه يتجاوب معاهم ويتكلم ..... والدكتور قال لهم ما لوش لازمه انه يبات في المستشفى يقدر يروح كمان ساعه يكون خلص بقيت ادويته ..... لكن حور لازم تبات في المستشفى لان هي عندها انيميا ومكنش ينفع انها تتبرع بالدم بس هي كانت عايزه تنقذ الولد ...... فضلت حور محطوطه على المحاليل ..... فريده وحازم روحوا مع ادم ..... وعاليا هانم فضلت قاعده هي وفارس ..... فارس : قومي روحي يا ماما نامي وارتاحي انا هقعد معاها هنا واخلي بالي منها ما تقلقيش .... عالية : لا يا فارس روح انت ترتاح انت وراك شغل وانا ها خليني معاها هنا ..... فارس : طب تفتكري نقول لحد حاجه من اهلها ولا بلاش عشان ما يقلقوش عليها و يشيلونا ذنب اللي حصل كله احنا ما كناش نعرف انها عندها انيميا هي اللي **مت انها تتبرع بالدم .... عاليه : بلاش يا فارس نقول لاهلها لانها اكيد هتزعل لو قلنا حاجه وشيلنا اهلها الهم لانها بتخاف عليهم جدا .... فارس : طب بلاش يا ماما خلاص روحي انتي روحي واتطمني على ادم و اقعدي جنب فريده .... عشان لو محتاجه اي حاجه ..... ما ينفعش نسيبهم لوحدهم هي كده كده مش هتخرج من المستشفى النهارده خليني انا قاعد هنا وانتي روحي البيت ما تقلقيش والله انا مش عاوز انام ....... عاليا : ماشي يا فارس معلش انا ماكنتش عايزه اتعبك خلاص انا هاروح انا عشان اتطمن على ادم واشوف فريده وانت خليك هنا وخلي بالك من حور .... البنت دي طلعت كويسه قوي وانقذت ابن اختك لازم نقف جنبها وما نسيبهاش غير لما تبقي كويسه .... مشيت عاليا روحت على البيت وفارس فضل قاعد بره الاوضه بتاعه حور بيبص عليها من الشباك الازاز وعمال يتأمل في ملامحها قد ايه هي وشها شبه الاطفال وملامحها بريئه ازاي بنت زي دي شايله كل الهم ده لوحدها ازاي وهو اول ما شافها جرحها بالكلام ... كان واقف وزعلان جدا من نفسه على الكلام اللي قالهولها اول ما شافها وهي ما لهاش اي ذنب .... فجأه تليفونه رن لقى اسما بتتصل بيه _الو ايوه يا اسما = ايوه يا فارس عامل ايه _ الحمد لله كويس انتي عامله ايه =كويسه الحمد لله _خير في حاجه ولا ايه = لا انا بطمن عليك هو انت مش في البيت ولا ايه _ لا انا في المستشفى .... = مستشفى ! مستشفى ايه ايه اللي حصل _ اصل فريده وصلت الصبح و ابنها وقع من على السلم دماغه اتفتحت وديناه المستشفى وكان محتاج نقل دم ... = طيب طمني عليه عامل ايه دلوقتي _الحمد لله كويس و روح البيت كمان =طيب وانت ايه اللي مقعدك في المستشفى ... _ قاعد مع حور عشان هي اتبرعت ليه بالدم وقعت من طولها واغمى عليها ولازم تتحط تحت الملاحظه و محطوطه على جهاز تنفس .... = وانت ايه اللي يقعدك مع حور انت مالك بيها اصلا ما تكلم حد من اهلها انت قاعد مع الشغاله في المستشفى ..... _ اه قاعد معاها وانتي مالك اصلا دي ضحت بنفسها عشان تنقذ ابن اختي لازم نقف جنبها كلنا .... = طيب هتروح امتى .... _مش عارف لما تفوق وتبقي كويسه هابقى اروح ... =غريبه قوي اول مره اشوفك كده من امتى انت بتقف جنب حد ما تعرفهوش .... _ ايوه بس دي لولاها كان زمان ادم جراله حاجه ما ينفعش نسيبها لوحدها لازم كلنا نقف جنبها .... = طيب ماشي انا على العموم بتطمن عليك ... طب قل لي عنوان المستشفى اجي اقعد معاك _ لا ما لوش لزوم انا شويه كده وان شاء الله هتفوق وهاخدها ونروح على البيت .... = كمان هتاخدها وتروح على البيت حاجه غريبه قوي يعني كمان هتركب واحده ما تعرفهاش معاك العربيه .... _ ايه اللي انت بتقوليه ده يا اسما هو انا في ايه ولا في ايه ما لوش لازمه كلامك ده دلوقتي ادعي لها بس ربنا يلطف فيها وتبقي كويسه عشان لو جرى لها حاجه اهلها مستحيل يسامحونا احنا ما كناش نعرف انها تعبانه وهي اللي **مت تتبرع بالدم ...... = ماشي يا فارس لما تخلص ان شاء الله اللي انت فيه ده كله ابقي كلمني عشان عاوزه اقعد معاك شويه نتكلم في مواضيع كتير _ ماشي ان شاء الله .... فضل قاعد فارس مستني ان حور تفوق .... وعاليا روحت البيت اول ما دخلت البيت ..... _ يا فريده طمنيني يا بنتي على ادم عامل ايه دلوقت ... فريده : الحمد لله يا ماما احسن اهو بيتكلم و طبيعي هي بس الخياطه اللي وجعاه شويه بس الحمد لله ... حور دي انا جميلها عمري ما هانساه ابدا انقذت ابني في اخر لحظه انا لازم ارد لها الجميل بتاعها ده باي تمن عاليا : حور بنت كويسه قوي مش هتقبل تاخد منك اي حاجه انتي بس ادعيلها ربنا يقومها بالسلامه وتبقي كويسه عشان كل ده لسه ما فاقتش بسبب الانيميا اللي عندها والهيموجلوبين بتاعها قليل جدا ... فريده : يا رب يا ماما يا رب تبقي كويسه انا مش عارفه والله من غيرها كنت عملت ايه ... عاليه : دي هي اللي ألحت انها تيجي وانا ما كنتش موافقه زي ما يكون كان قلبها حاسس ان احنا هنحتاجها تخيلي بقى لو ما كنتش رضيت اخدها معايا كان ايه اللي هيحصل كان زماننا دلوقتي محتاسين بادم .... الحمد لله ربنا بيستر برده فريده : اه والله يا ماما دي بنت كويسه قوي وما فيش زيها وقلبها ابيض جدا اوعى تتخلي عنها و تمشيها من عندك و حاولي تشغليها شغلانه سهله شويه وتجيبي ناس تساعدها في البيت عشان ما تبقاش شايله الحمل ده كله فوق كتفها عاليه : عندك حق فعلا يا فريده تقوم بس بالسلامه واخليها تشتغل شغل سهل جدا واجيب ناس تشتغل في البيت وهي اللي تشرف عليهم وهزود لها المرتب عشان هي بنت مكافحه وتستاهل كل خير .... حازم : الحمد لله ادم بقى احسن كثير انا بس نفسي حور تيجي قبل ما امشي عشان اشكرها بنفسي البنت دي كويسه جدا هم قالوا لكم ايه في المستشفى ... عاليا : قالوا لنا انها تعبانه والهيموجلوبين بتاعها قليل جدا ادعوا لها انها تفوق وترجع بالسلامه ان شاء الله احنا كلنا نقعد ندعي لها لحد ما فارس يكلمني يقول لنا اخبار حلوه ... فريده : طيب يا ماما كلمي فارس قوليله اوعى يسيبها لوحدها في المستشفى ويمشي عشان لو احتاجت اي حاجه يكون جنبها ... عاليا : هو من نفسه قال لي ان هو مش عايز يسيبها ويمشي يا فريده قال لي بعد اللي عملته مع ابن اختي عمري ما هسيبها في المستشفى لوحدها لازم كلنا نقف جنبها .... طلعت عاليا تغير هدومها وترتاح شويه وفارس فضل قاعد على الكرسي مكانه عمال يدعي انها تقوم بالسلامه فجاه الدكتور خرج وقال له _ تليفون المريضه ده حد ياخده عشان عمال يرن بقى له كتير قوي خد فارس تليفونها ولقى مكالمات من اهلها كتير جدا ما بقاش عارف يعمل ايه ولا يرد يقول ايه فتح التليفون لقي كل المكالمات من باباها ومن مامتها ما فيش اي احد تاني بيتصل ميعرفش ليه فضوله خلاه يفتح التليفون و يقلب في الرسائل بتاعتها تليفونها كان قديم جدا مفيهوش كاميرا ولا بيصور معليهوش غير الرسايل وبس ..... دخل على الرسائل لكن هو اتفاجيء من الحاجات اللي كاتباها كانت كاتبه وصيتها وبتقول لو جرالي اي حاجه وفيه حد كان ماسك التليفون ده انا با وصيه انه يخلي باله من اهلي وميسبهمش لحظه انا عارفه ان لو جرى لي حاجه التليفون ده هيبقى في ايد اي حد مهما كان هو مين بس انا عارفه ان اهلي مش هيعرفوا يدخلوا على الحاجات دي ولا بيفهموا في الرسايل الي عالتليفون .... اي حد يمسك التليفون ده يوصل لاهلي ويقولهم ان انا كنت بحبهم قوي وكان نفسي اكمل معاهم لكن انا تعبانه وما فيش حد يعرف بتعبي فيهم انا على طول بيغمى عليا وقلبي واجعني ومش برضي اقول لاهلي الكلام ده عشان ما يشيلوش همي ويقعدوني من الشغل وانا اللي بصرف عليهم ..... انا بوصي اي حد شاف الرساله دي على اخواتي الصغيرين يكملوا تعليمهم ومفيش حد يزعل عليا انا كده كده عارفه اني مش هاعيش كتير انا مش طبيعيه حتى مش معايا فلوس اروح اكشف اعرف انا عندي ايه .... قفل التليفون من الصدمه وبقى دموعه بتنزل لوحدها بعد ما قرا الكلام ده كله ونادي على الدكتور وقال له ... _ هي حالتها عامله ايه دلوقتي يا دكتور الدكتور رد عليه وقال له : هي الحمد لله بدأت تتحسن بس ادعي تبقى كويسه عشان هي عندها مشاكل كتير في التنفس وفي القلب فارس : طيب و المشاكل دي يا دكتور ما لهاش علاج _ليها طبعا علاج ومتوفر بس غالي شويه ... = مش مشكله يا دكتور باي تمن انا عايز بعد ما تفوق وتبقي كويسه نبدا فعلاجها ضروري .... _ماشي بس لازم متابعه = ماشي يا دكتور اول ما تفوق لو سمحت ناديني عاوز ادخل اتكلم معاها شويه ... _ ماشي تفوق بس من التعب اللي هي فيه اصل اللي هي فيه ده ارهاق مش اكتر اللي عندها خلاها تقع من طولها شكلها بذلت مجهود امبارح والنهارده .... = جامد اه فعلا عندك حق يا دكتور .... قعد يفتكر فارس امبارح لما جرحها بالكلام وهي فضلت واقفه من الصبح لحد بالليل بتعمل لهم في الاكل وتنظف البيت وفي نفس الوقت بالليل تكلم اهلها تواسيهم وتقول لهم انها كويسه ومش محتاجه اي حاجه .... عدي ساعتين والفجر اذن الدكتور نده على فارس يا _استاذ يا استاذ المريضه فاقت لو حضرتك عاوز تدخل تشوفها .... دخل فارس عليها وهو مش عارف يبدا الكلام منين ولا يقول لها ايه اول ما شافته قالت له _ تليفوني فين اهلي هيخافوا عليا .... = ما تخافيش تليفونك معايا هما فعلا اتصلوا كتير قوي _ اوعي تكون رديت او قلت لهم حاجه ابوس رجلك يا فارس بيه اوعي تقول لهم اني تعبانه هيخافوا مش هيخلوني اكمل شغل وما فيش حد يشيلهم غيري ... فارس : ما تقلقيش انا ما ردتش علي حد ... _ شكرا يا فارس بيه انا هاكلمهم دلوقتي وهاحاول اخلي صوتي يتحسن واقول لهم ان التليفون كان ضايع مني ولسه لاقياه وما كنتش سامعه صوت اخدت منه التليفون وكلمت مامتها _ الو ايوه يا ماما انا اسفه يا ماما والله التليفون بتاعي كان ضايع ما كنتش لاقياه وقع مني وانا فى الشغل ولسه لاقيينه دلوقتي حالا وما كنتش حافظه رقمك عشان اتصل بيكي من اي حته ... طب انتي بتعيطي ليه دلوقتي يا ماما انا والله كويسه ما فيش اي حاجه ما تقلقيش عليا كل الحكايه ان التليفون وقع منى وانا في الشغل ولسه لقياه دلوقتي ... اتصلت بيكي على طول طمني بابا وطمني اخواتي .. يلا مع السلامه ... قفلت مع مامتها وقالت لي فارس : هو ايه اللي حصل انا هنا من امتى .... = انتي هنا من ساعه ما اتبرعتي بالدم انتي ليه عملتي كده وانتي تعبانه .... _ تعبانه ! مين اللي قال لك اني تعبانه ... = الدكتور اللي قالي انك تعبانه وما كانش ينفع تضحي و تتبرعي بالدم وانتي في الحاله دي ... _ اعمل ايه طيب ما هانش عليا اشوف ادم في الحاله دي ... ده مهما كان طفل وما يقدرش يستحمل انا كبيره اقدر استحمل = انا عايزه اعرف انتي ليه سايبه نفسك كده ... ليه ما بتروحيش تتعالجي _ اتعالج فين يا استاذ فارس انا ملاحقه على المصاريف ... الشغل يا دوبك الفلوس اللي بتيجيلي بصرفها على اخواتي واهلي ... انا ما افتكرش اني جبت لنفسي حاجه قبل كده حتى الهدوم اللي انا لابساه مش بتاعتي .... يلا الحمد لله على كل حال انا برده احسن من غيري ... = انت ازاي صابرة وراضيه كده وانا اللي كنت فاكر ان مشاكلي دي نهايه العالم _ كل واحد جواه مشاكل ما حدش يعرف حاجه عنها غيره بس لازم كلنا نحمد ربنا .... فارس : ونعمه بالله .. الدكتور دخل.... _ ها حور عامله ايه دلوقتي حور : الحمد لله يا دكتور بقيت احسن انا بس كنت حاسه بدوخه شويه بس اتحسنت لما علقت المحاليل الدكتور : بس لازم تتابعي على العلاج ياحور ما ينفعش تسيبي نفسك كده انتي لسه صغيره على كل المشاكل الصحيه اللي انتي فيها دي حور : ان شاء الله يا دكتور هاحاول اتابع مع حضرتك على العلاج ... هو انا اقدر امشي امتى ... الدكتور : نص ساعه بالظبط و تقدري تمشي بس لازم تروحي البيت وترتاحي راحه تامه ما ينفعش تفضلي واقفه ولا تعملي اي حاجه ... حور : طب انا بشتغل يا دكتور اقعد ازاي الدكتور : صحتك اهم من اي شغل سيبي الشغل اليومين دول واقعدي ارتاحي .... فارس : ملكيش دعوه بالشغل اليومين دول اهم حاجه صحتك وانك تبقي كويسه ما تشيليش هم اي حاجه احنا كلنا معاكي انتي انقذتي ادم بفضل فصيله دمك النادرة ... حور : ما تقولش كده يا استاذ فارس انا عملت الواجب واي احد مكاني كان هيعمل كده واكثر فارس : طيب يلا انا هجهزلك الحاجه بتاعتك عشان نمشي كمان شويه .... فجأه الباب خبط ودخلت .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more