NANG makauwi kami ni Yohann galing sa palengke ay tahimik lang ako. Magmula ng hul naming pag-uusap kanina ay hindi na ako muling nagsalita pa.
Mukhang napansin naman ni Yohann ang nangyayari sa akin. Kaya't ramdam ko ang maya't maya niyang pagsulyap ng tingin sa akin, parang tinitingnan kung maayos lang ba ako.
Nakuha ni Yohann ang atensiyon ko nang marinig ko ang pagbuntong hininga niya.
"Are you okay?" tanong niya nang siguro ay hindi na nakapagpigil.
Marahan akong tumango. "Maybe I'm just tired," dahilan ko.
Napatitig siya sa akin bago tumango. "Go to your room and rest."
Tanging isang tango na lang ang naitugon ko sa kanya. Tumayo na ako mula sa kinauupuan at wala sa sariling tinungo ang kwarto sa itaas.
Nang makapasok sa inuukupa kong silid ni Yohann ay pabagsak kong inihiga a
