"ARE you sure about this?"
Tanging marahan na pagtango lang ang itinugon ko kay Yohann habang abala ako sa pagtingin ng mga ingredient na kakailanganin namin. Nang makita kong kompleto na iyon ay inabot ko na kay Yohann ang dilaw na manga.
Dahil hindi ako marunong, siya ang nagbalat nito at hiniwa sa maliliit na piraso. Pati ang pag-aasikaso sa tapioca pearls ay siya ang gumawa.
Nang handa na ang lahat ng mga ingredients, inilagay ko na sa isang malaking bowl ang tapioca pearls at pati na rin ang manga. Sunod kong inilagay ang condensada at evaporada. Para naman masiguradong matamis ang kalalabasan nito ay nilagyan ko na rin ng asukal at ang iba pang sangkap.
Seryoso ako habang hinahalo ang ginagawa ko. Wala man ako alam pagdating sa pagluluto, kahit papaano ay may iba akong nalalaman
