"WHAT do you think?" nakangiti kong tanong kay Yohann habang ipinapakita ang sarili sa kanya. Bahagya ko pang iginalaw-galaw ang laylayan ng dress ko para mas lalong ipakita 'yon sa kanya.
Natigil ang ginagawa kong 'yon nang mapansin ko ang maimtim na titig niya sa akin. Isa 'yon klase ng tingin na talaga namang matutunaw ka.
Tumayo ako ng tuwid at pekeng umubo. Mukhang doon pa lang siya natauhan at mabilis na nag-iwas ng tingin sa akin.
"Mukha ka namang maayos, puwede na 'yan," sambit niya.
Napatingin ako sa sarili ko nang marinig ang sinabi niyang 'yon. Nakasuot lang ako ng simpleng bestida at nakaayos ang buhok. Kung tutuusin ay malayong-malayo ang ayos ko sa pananamit ko noon sa tuwing may pupuntahang okasyon. Pero parang wala ako sa mood na sobrang mag-ayos ng sarili, kaya naman a
