"TINANGHALI ka yata ng gising." Salubong sa akin ni Yohann nang makababa ako ng salas. Siya agad ang bumungad sa akin nang makababa ako rito.
Tanging isang malamig na tingin lang ang naitugon ko sa kanya at kaagad nang nag-iwas ng tingin sa kanya. Parang hindi ko kayang tagalan na tingnan siya ngayon.
"Nagugutom ka na ba? Mag-almusal ka muna bago tayo pumunta sa karinderya—"
"Hindi na kailangan, Yohann. Maliligo lang ako at aalis na tayo," putol sa sinasabi niya.
Mula sa gilid ng mga mata ko ay kita ko ang pagkunot ng noo niya, mukhang naguguluhan sa inaakto ko. Napabuntong hininga na lang ako at tinungo na ang banyo.
Nang matapos sa pagligo at makapagbihis na, walang gana kong inaya si Yohann na umalis na para makapunta na kami ng karinderya. Tulad kanina, mababakasan pa rin ng pagk
