"So noong nag-bar tayo, umamin na siya sayo?" Excited na tanong ni Rianne habang naka-upo kami sa bench. Tumango ako.
Ayoko talagang magkwento ngayon nang tungkol sa amin ni Jarred pero talagang hindi na nila ako tinantanan. Wala na akong nagawa nang kaladkarin nila ako palabas ng room patungo sa may park para lang mai-kwento ko sa kanila ang lahat.
"Tapos...?" Untag ni Ivette na halata din sa mukha ang interest. Medyo nahihiya ako kung sasabihin ko ba sa kanila na hinalikan ako ni Jarred doon. Sabagay, sa pisngi lang naman iyon kaya wala naman sigurong nakakahiya.
"Ayon na nga, umamin siya tapos... tapos... hinalikan niya ako." Pahayag ko saka yumuko at nilaro ang mga daliri ko sa kamay. Nagulat ako nang tumili ang mga kasama ko at pinaghahampas pa nila ang balikat ko.
"Saan? Saan?" N
