Dinudurog ko ang mga durog ng chips sa plastic na nakapatong sa ibabaw ng mesa dito sa cafeteria. Abala naman ang mga pinsan at kaibigan ko sa pag-uusap tungkol sa darating na midterms. Kailangan namin magsunog ng mga kilay next week bago kami makahinga ng maluwag.
Hindi pa din kami nagkaka-ayos ni Qino pagkatapos ng bangayan namin noong isang araw sa coffee house. At ngayon, sinisigurado ko na hindi ako ang hihingi ng sorry sa kanya kahit pa na pilitin ako ng mga magulang namin.
Hindi na din siya sumasama sa amin dahil iba't ibang babae na naman ang nakakasama niya these past few days. At sa tingin ko ay makakabuti iyon dahil baka mag-away lang kami ulit. Wala namang pakialam ang mga pinsan namin kahit hindi kami nagkikibuang magkapatid dahil sanay na sila. Bata pa lang kami ay ganoon
