INIIWASAN ni Zeke kapag gusto kong pag-usapan iyong nangyari sa cafeteria. Hindi ko tuloy matanong kung totoong nagselos siya.
“Saan nga tayo pupunta?” Kailangan ko kasing makipag-meet ngayon sa isang designer. May sinabi si Zeke sa aking dahilan pero masyado akong lutang kakaisip ng mga sinabi niya noon sa akin na hindi ko narinig ang importanteng parte.
“We’re going to a Gala.” And that’s it. Iyon lang ang sinagot niya sa akin at wala nang iba pa.
Sinukatan ako nang makarating kami sa designer na rekomendado pa nina Mommy. Matagal na raw kasing dito nagpapagawa ng kanilang mga susuutin ang mga babaeng Benavidez kaya rito na rin ako dinala ni Zeke kahit sinabi ko na may kakilala rin ako.
Ang susuotin ko ay isang burgundy plunging neckline dress with overskirt. Napili ko ang kulay burg
