“KAILANGAN kong pumunta sa bahay nina Papa,” sabi ko kina Miles. Mabilis akong nag-ayos matapos kong marinig kung saan papunta si Zeke. Hindi maganda ang pakiramdam ko rito.
Tiningnan ako ni Miles, halatang ayaw akong sundin.
“Now!” Natataranta ako na hindi ko na namalayan ang tono ko.
Wala silang nagawa kung hindi sundin ako. Sumakay ako sa kotseng inihanda para sa akin at tumulak na kami papunta sa bahay nina Papa.
Kung ano-anong pumapasok sa isip ko pero siguro naman ay walang gagawing masama si Zeke—then, naalala ko kung ano nga bang kaya niyang gawin. Great timing! He can kill like people around him were like insects.
Dahil hindi traffic, mabilis kaming nakarating. Dali-dali akong bumaba sa kotse at pumasok sa loob ng bahay. Nagulat pa ang katulong na nagbukas ng pinto para sa ak
