Kanina pa nakasimangot si Erica habang nilalaro ang walang laman na baso na nasa harapan niya. Kasalukuyan silang nasa loob ng bar kung saan sila dinala ni Sofia pagkatapos kumain. Nasa dulong bahagi ito ng beach kaya kakaunti lamang ang tao na karamihan ay foreigners.
Marahas na napabunong hininga si Erica saka tumingin sa dance floor kung saan kasalukuyan na nagsasayaw si Alex at ang bago nitong kaibigan. Inaya naman siya ng binata at ilang beses na tinanong, siya lang itong maarte na ayaw sumali sa kanila dahil feeling niya ma-a-out of place siya which is totoo naman dahil mukhang walang balak na tigilan ni Sofia ang binata.
Muling huminga ng malalim si Erica saka tumayo mula sa table na inupuan nilang tatlo kanina. Naglakad patungo sa bar counter ang dalaga at naupo sa stool chair, p
