“N-nasaan ka na po, prinsesa? N-nandito na po sila!”
Halos manlaki ang aking mga mata sa narinig na pamilyar na boses na iyon. Bakas ang kaba at pagmamadali sa boses ni Georgette habang kinakausap ako sa aking isip. Dinaluhong ng kaba ang aking dibdib. Parang kidlat na mabilis kong nilangoy ang direksyon pabalik ng Oceana. Halos mahati sa gitna ang dagat sa bilis ng aking paglalangoy. Ni hindi ko na halos nabati pabalik ang mga isda at pating na nagtangkang kausapin ako.
“P-papunta na po sila sa iyong silid, prinsesa…” Pagbabalita pa niya na mas lalo lang nagdulot ng kaba sa akin.
Kahit pilitin ko na lumangoy pabalik sa Warvigor at kahit pa gaano kabilis iyon ay mahuhuli pa rin ako. Maaaring makarating ang aking ina at si Kuya Alon sa aking silid nang hindi ako natat
